Qaraǵandylyq aqsha salynǵan seıfti urlap ketti
QARAǴANDY. QazAqparat - Kólik polıtseıleri erekshe iri mólsherde aqsha urlaǵan Qaraǵandy oblysynyń turǵynyn ustady, dep habarlaıdy QazAqparat tilshisi kóliktegi ishki ister departamentine silteme jasap.
Jelilik ishki ister bólimine belgisiz bireýler Jezqazǵan stantsııasynyń lokomotıv deposynyń býhgalterııasynyń seıfinen aqsha urlaǵany týraly habar keldi.
Keltirilgen zalaldyń mólsheri 6 926 348 teńgeni qurady.
Kólik polıtseıleri Jezqazǵan qalasynyń 25 jastaǵy turǵynyn ustady. Kúdikti óz aıybyn moıyndaǵan.
Qaraǵandy oblysy Jezqazǵan qalalyq sotynyń úkimimen er adam QR Qylmystyq kodeksiniń 188-baby, 4-tarmaǵyna sáıkes aıypty dep tanylyp, bes jylǵa kesildi.
