Qaraǵandylyq 13 jasar tennısshi qyz Qazaqstan chempıonatynan 4 altyn medal jeńip aldy
QARAǴANDY. QazAqparat – Almatyda ústel tennısinen 2007 jyly týǵan jáne odan kishi sportshylar arasyndaǵy Qazaqstan chempıonatynda qaraǵandylyq sportshy Vıktorııa Mochalkına úzdik óner kórsetti, dep habarlaıdy QazAqparat tilshisi.
On úsh jasar sportshy komandalyq, jeke, juptyq jáne aralas synaqtarda tórt altyn medal jeńip aldy.
Qaraǵandy ústel tennısi mektebiniń basqa ókilderi de joǵary deńgeıde oıyn kórsetti.
Halyqaralyq dárejedegi sport sheberi Alan Qurmanǵalıev te úsh altyn, bir kúmis jeńip, kózge tústi.
«Darıa Fý joǵary synamaly eki marapatqa ıe boldy, Albına Jaqsylyqova jeke jáne juptyq razrıadta qola aldy, Darıa Gamova – Polına Sırotına juby úshinshi oryn alyp, jeńis tuǵyryna kóterildi», - dep habarlady Qaraǵandy oblysynyń dene shynyqtyrý jáne sport basqarmasy.
