Qaraǵandyǵa on jeti tonna dári-dármek jetkizildi
QARAǴANDY. QazAqparat - Qaraǵandyǵa COVID-19, pnevmonııa jáne basqa da birqatar dertti emdeýde qoldanylatyn dári-dármekterdiń úlken partııasy jetkizildi, dep habarlaıdy QazAqparat tilshisi.
Dári-dármekter charterlik reıspen reseılik Nıjnıı Novgorod qalasynan jetkizildi.
Avıareıs Qaraǵandy oblystyq ákimdigi jáne «Qazaqmys» korporatsııasynyń qoldaýymen uıymdastyryldy. Medıtsınalyq preparattardyń jalpy salmaǵy 17 tonnany quraıdy. Dárilerdiń jartysy, ıaǵnı 8,5 tonnasy Qaraǵandy oblysqa arnalǵan. Júktiń qalǵan bóligi Pavlodar jáne Nur-Sultan qalalaryna jóneltiledi.
Bul taýar gýmanıtarlyq kómek emes.
Medıtsınalyq zattardy dárihana jelileriniń dıstrıbıýtory satyp alyǵan. Ákimdik dári-dármekterdi satyp alý jáne engizý protsedýralaryn jeńildetý jáne logıstıka jónindegi máselelerge qoldaý kórsetti.
Atalmysh partııa statsıonarlar men dárihanalarǵa taratylady.
Bul joly turǵyndar arasynda asa qajet bolyp otyrǵan preparattar satyp alyndy. Olar: tseftrıakson, reamberın, kleksan, prednızolon, tsıkloferon, azıtromıtsın jáne ystyqty basatyn dáriler.
Jaqyn ýaqytta dári-dármekter Qaraǵandy oblysynyń dárihanalaryna jáne qalalar men aýdandardyń statsıonarlaryna jetkiziledi.
Sondaı-aq óńirimizge 700 myń qaptama paratsetamol jetkiziledi dep kútilýde.
Oblys turǵyndarynyń qajettiligin óteýge arnalǵan dári-dármekterdi jetkizý boıynsha jumystar turaqty túrde jalǵasatyn bolady.
