Qaraǵandyǵa Belarýs pen Reseı qutqarýshylary keledi
QARAǴANDY. QazAqparat - 15 maýsym kúni is-saparmen Qaraǵandy oblysyna Belarýs Respýblıkasynyń tótenshe jaǵdaılar mınıstrligi men Reseı Federatsııasynyń tótenshe jaǵdaılar mınıstrliginiń delegatsııasy keledi, dep habarlaıdy aımaqtyq TJD baspasóz qyzmeti.
Bul saparda eki eldiń qutqarýshylary «Áleýmettik jeliler arqyly halyqty ómir súrý qaýipsizdigi men tótenshe jaǵdaılarǵa den qoıý negizderine oqytý» semınaryna qatysady.
Kezdesý barysynda delegatsııa birikken kezekshi dıspetcher qyzmeti, baspasóz qyzmeti, aqparattyq-taldaý bólimi, tehnıkalyq qyzmet kórsetý jáne eskertý bólimi jumystarymen tanysady. Sondaı-aq, dóńgelek ústelde derekter bólimderiniń qyzmeti tótenshe jaǵdaılar kezinde halyqqa bilim berý máselesi talqylanady.
Sheteldik qonaqtar oblystyq tótenshe jaǵdaılar departamenti jumysynyń erekshelikterimen tanysý úshin dóńgelek ústel birneshe bólimdi qamtıdy.
Dóńgelek ústeldiń birinshi bólimi «Qaraǵandy oblysy tótenshe jaǵdaılar departamentindegi tirshilik qaýipsizdik negizderi men tótenshe jaǵdaılarǵa jaýap qaıtarýǵa oqytý».
Ekinshi bóliminde «Oblystaǵy órt qaýipsizdigine halyqty tirshilik qaýipsizdigi negizderi men tótenshe jaǵdaıǵa jaýap qaıtarýǵa oqytý».
Úshinshi bólimi «SMS jóneltilimder arqyly halyqty habardar etýge» arnalady.
Tórtinshi qorytyndy bóliminde sheteldik delegatsııasyna Qaraǵandy oblysy halyqty qalaı áleýmettik jeliler arqyly tirshilik qaýipsizdigi negizderi men tótenshe jaǵdaılarǵa jaýap qaıtarýy týraly aıtyp beredi.
