#QaraǵandyElbasymenBirge: Qaraǵandylyqtar tyń chellendj bastady
Olar osynaý aıtýly estelikterimen, alǵysqa toly áserlerimen Tuńǵysh Prezıdent Nursultan Nazarbaevqa qurmet bildirýde.
AlexUrmashov atty qoldanýshy feısbýk paraqshasynda Nursultan Ábishulynyń arqasynda jas ári táýelsiz memlekettiń eń asqaq jobalary iske asyrylǵanyn jazady. Ol óziniń jazbasynda elge adam qyzmet etken, aıqyn patrıotızmi men adaldyǵyn tanytqan Tuńǵysh Prezıdentke alǵysyn aıtady.
«Meniń ekinshi otbasym - Qazaqstan halqy Assambleıasynyń qurylýyna, «Nur Otan» partııasyna alǵysymdy aıtqym keledi. Biz árdaıym gúldený men órkendeýge bastaıtyn ońaı tımes ári ólshengen sheshimdi qabyldadyq. QHA jastary óziniń barlyq áleýetin paıdalana otyryp, barlyq jospardy oryndap, kelisim men beıbitshilikti qorǵap qalady. Qazaqstan úshin rahmet! Siz bizdiń Prezıdentsiz!», - deıdi ol.
Mıka Myrzabekova bolsa ákesiniń Tuńǵysh Prezıdentpen kezdesýi týraly jazady.
«Meniń ákem Batyrbek Myrzabekov umytylmas sol kúndi, kezdesýden alǵan áserin árdaıym esine alyp júredi. Ol óz óńiriniń turǵyndary atynan táýelsiz qazaq tarıhyndaǵy ǵasyr joly atanǵan Jezqazǵan-Beıneý temir jolynyń ashylýy kezinde Memleket basshysy Nursultan Nazarbaevtyń aldynda sóz sóılegen. #QaraǵandyElbasymenBirge»», - deıdi ol.
«ArselorMıttalTemırtaý» qyzmetkeri Álibek Alpyspaev Elbasyn, sondaı-aq ótken jyldyń qyrkúıek aıynda ujymymen birge Prezıdentpen kezdeskenin eske alady.
«Biz barlyq metallýrgter bir partııadamyz. Bir elge, halyqqa qyzmet etemiz!». Prezıdentimizdiń osy sózi esimde qalyp qapty», - deıdi Álibek feısbýkte.
Ol sonymen qatar, Prezıdent Nursultan Nazarbaev qazirgi jastar úshin úlgi bolyp qalatynyn aıtady.
Myńdaǵan qaraǵandylyq chellendjge ún qatyp, Tuńǵysh Prezıdentpen túsken fotosýretterin jarııalaýda. Jazbalardyń avtory Elbasy týraly esteliktermen bólisýge shaqyrady.