Qaraǵandydan Jezqazǵanǵa jańa poıyz qatynaıdy
QARAǴANDY. QazAqparat - Qaraǵandy temirjol vokzalynda «Qaraǵandy-Jezqazǵan» baǵytyna jańa poıyz saltanatty túrde iske qosylady, dep habarlaıdy QazAqparat tilshisi.
«Qaraǵandy-Jezqazǵan» poıyzy 18 sáýirden bastap jup kúnderi qatynaıtyn bolady. Qala mańynda qatynaıtyn poıyzdyń quramynda 6 vagon - 2 kýpe, 3 platskart, 1 jalpy vagon bar. Aýa salqyndatý júıesimen jabdyqtalǵan. Qaraǵandydan Jezqazǵanǵa deıin jol júrý aqysy kýpe - 3197 teńge, platskart - 2071 teńge, jalpy vagonda - 1238 teńgeni quraıdy.
Basqa jolaýshylar poıyzdarymen salystyrǵanda jol aqysy orta eseppen 20 protsentke arzan. «Jolaýshylar tasymaly» AQ baspasóz qyzmeti habarlaǵandaı, jolaýshylar poıyzynyń kestesi barlyq stansylardy esepke ala otyryp jasalǵan.
Poıyz Qaraǵandy oblystyq ákimdigi men «Qala mańyna tasymaldaý» AQ arasyndaǵy kelisimge qol qoıylǵannan keıin iske qosyldy.
