Qaraǵandydan Máskeýge tikeleı ushatyn jańa áýe reısi ashyldy
QARAǴANDY. KazAqparat - Qaraǵandydan Máskeýge tikeleı reısti «IrAero» kompanııasy júzege asyrady. Reıster turaqty bolady, atalmysh áýe qatynasyna bıletter satylymǵa shyǵaryldy, dep habarlaıdy QazAqparat tilshisi.
1-18 maýsym aralyǵynda «IrAero» kompanııasynyń ushaqtary Qaraǵandydan Máskeýge, Jýkovskıı áýejaıyna beısenbi jáne senbi kúnderi ushady. Al 18 maýsymnan bastap reıster seısenbi, beısenbi jáne senbi aralyǵynda oryndalady.
Qaraǵandydan jergilikti ýaqyt boıynsha saǵat 9:00-de ushyp shyǵatyn bort mejeli pýnktke Máskeý ýaqyty boıynsha saǵat 9:05-te keledi. Ushý 3 saǵat 5 mınýtqa sozylady.
Bıletter kompanııanyń saıtynda satylýda. Qaıtarý jáne aıyrbastaý múmkindigi bar standartty bılettiń quny - shamamen 75 400 teńge (12 756 rýbl).
Aıta keterligi, Qaraǵandydan Máskeýge reseılik taǵy bir kompanııa ushaǵy qatynaıdy.
