Qaraǵandydaǵy «Jolda qabyldaý» aktsııasy: 800-ge jýyq ótinish tústi
QARAǴANDY. QazAqparat - Qylmyskerdi jazadý, kóshelerde baǵdarsham ornatý, tasqyny qaýpin joıý osy jáne basqa da kóptegen máseleler «Jolda qabyldaý» aktsııasy barysynda sheshimin tapty, dep habarlaıdy QazAqparat tilshisi.
Qaraǵandy oblysynyń halyq kóp shoǵyrlanatyn jerlerinde arnaıy jabdyqtalǵan avtobýstarda ákimshilik polıtsııa, jergilikti jáne mıgratsııalyq qyzmetterdiń basshylary azamattardy qabyldady.
Oblystyń qalalary men aýdan ortalyqtarynda 16 mobıldi qabyldaý pýnkteri qyzmet etti. Ol jerlerde kelýshiler sondaı-aq tirkeý-emtıhan bólimsheleriniń, jol-tehnıkalyq qadaǵalaý jáne ákimshilik tájirıbe bastyqtaryna suraq qoıa aldy.
Aktsııa barysynda eki kún ishinde oblysta ornalasqan barlyq pýnktter boıynsha azamattardan 794 ótinishi kelip tústi.
«Kóshi-qon zańnamasyna qatysty máseleler, kóliktik quraldardy tirkeý, júrgizýshi kýáligin alý jáne aýystyrý, kólik quraldaryn qaıta jabdyqtaý, aıyppuldardy tóleý jáne basqa da máseleler ózekti boldy. Oblys turǵyndary óz suraqtaryna jaýap alyp, tıisti mamandarmen keńes aldy. Qazir respýblıkada ІІM reformasy júrip jatyr. Osy turǵyda biz azamattar kelip, óz suraqtaryna jaýap alý úshin maıdan-keńseler qurǵymyz keledi. Bul negizgi baǵyttardyń biri. Osy aktsııa aıaqtalǵannan keıin biz barlyq ótinishter men olardyń sıpatyn taldaımyz. Aldaǵy ýaqytta da osy baǵytta jumys isteıtin bolamyz», - dedi Qaraǵandy oblysy PD bastyǵynyń orynbasary Qurmanǵalı Ysmaǵulov.
Mobıldi pýnktterge turǵyndar tek keńes alý úshin ǵana emes, sonymen qatar usynystary jáne ótinishtermen de júgingen. Qala turǵyny PD basshylyǵynan Volgodonskaıa kóshesinde baǵdarsham ornatýdy surady. Azamattyń ótinishinen soń, jol polıtsııasy qyzmetkerleri osy aýmaqty tekserip, nátıjesinde jergilikti atqarýshy organdardyń qaraýyna hat toltyrylyp, jiberildi.
Aktsııa barysynda turǵyndar polıtsııa qyzmetkerleriniń is-áreketteri, ákimshilik aıyppuldar týraly suraqtar qoıyp, polıtsııanyń qyzmetteri týraly aqparat ala aldy. Azamattardyń yńǵaılylyǵy úshin mobıldik pýnktterde qujattardy resimdeý, aıyppuldar jáne oblys turǵyndary qoıǵan ózekti máseleler boıynsha aldyn ala jadynamalar daıyndaldy.
«Mundaı sharalar kóptep uıymdastyrylýy kerek. Mysaly, meniń úsh balam bar, meniń arnaıy mekemelerge baryp, óz shaǵymymdy bildirýge ýaqytym kelmeı jatady. Endi mine jaı ǵana ótip bara jatyp, osynda keldim. Meni balalarymdy mashınamen tasymaldaý erejesine qatysty máseleler qyzyqtyrǵan bolatyn. Osy jerden qanaǵattanarlyq jaýap aldym», - deıdi qala turǵyny Karına Bogdanova.
Qaraǵandy oblysynyń PD basshylyǵynyń aıtýynsha, barlyq suraqtar men ótinishter tirkelip, aldaǵy ýaqytta olardyń árqaısysy boıynsha jumystar júrgiziletin bolady. Polıtsııa basshylyǵy barlyq máseleler baqylaýda bolatynyn aıtty.
