Qaraǵandydaǵy jol ótkeliniń opyrylýyna jaýyn men jaıylymdaǵy mal sebepshi bolǵan
QARAǴANDY. QazAqparat - Qaraǵandyda «Arhıtektýrnyı» jol ótkeliniń opyrylǵan bóligin jóndeý jumystary bastaldy. Jóndeý jumystary «Matan» merdiger fırmasy esebinen júrgiziledi.
«Biz oıyq paıda bolǵan jerlerge metall tireýishter qoıamyz. Anyǵynda, jol ótkeline túgel jóndeý jumystaryn júrgizý kerek. Biraq oǵan aqsha bólinbeı jatyr, - dedi merdigerler. - Jańbyr men erigen sýlardan ótkeldiń búlinýi múmkin jáne mal jıi jaıylatyn ózen jaǵasyndaǵy kópirdiń úımesine zaqym kelgen».
Apatty jol ótpesindegi jol qozǵalysy qaıta bastaldy. Tek oıylǵan bóligi ǵana jabyq qalady. Onda jóndeý jumystary júrýde.
Oblystyq TJD habarlaýynsha, 17 qyrkúıek kúni Qaraǵandyda «Arhıtektýrnyı» jol ótkelinde kólemi 5 sharshy metrdi quraıtyn aýmaq opyrylyp túsken. Bul jer kópirdiń bastalatyn tusynan 30 metr qashyqtyqta, al ótkeldiń uzyndyǵy - 300 metr.
Buryn da dál osy jol ótkelinde opyrylý oqıǵasy tirkelgen edi. Úsh jyl buryn ótkel kúrdeli jóndeýden ótti. Sońǵy ret ishinara jóndeý jumystary júrgizilgen.
