Qaraǵandydaǵy jol apatynda «Orda» toby ánshileriniń áke-sheshesi kóz jumdy
QARAǴANDY. QazAqparat – Qaraǵandy oblysynda Temirtaý qalasynyń mańynda jeńil jáne júk kólikteri soqtyǵysyp, 4 adam qaza tapty. Aldyn ala málimetter boıynsha, qaza bolǵandardyń arasynda «Orda» toby solısteriniń ata-anasy bolǵan, dep habarlaıdy QazAqparat tilshisi.
Kólik oqıǵasy 11 qazan kúni Buqar Jyraý aýdanynda Temirtaý qalasynan 2 shaqyrym jerde bolǵan.
«Volkswagen» avtokóliginiń 66 jastaǵy júrgizýshisi «Temirtaý-Astana» avtojolynyń qarsy baǵytyna shyǵyp, 28 jastaǵy er adamnyń basqarýyndaǵy «Scania» markaly júk avtokóligimen soqtyǵysqan.
«Jol-kólik oqıǵasy saldarynan »Volkswagen« avtokóliginiń júrgizýshisi men onyń úsh jolaýshysy oqıǵa ornynda kóz jumdy. Atalǵan derek boıynsha tıisti saraptamalar taǵaıyndalyp, QR QK 345 baby 4-bólimi boıynsha sotqa deıingi tergeý júrgizilýde», - dedi Qaraǵandy oblysy PD baspasóz qyzmeti.
Resmı emes málimetter boıynsha, qaza bolǵandardyń arasynda qazaqstandyq prodıýser jáne «Orda» tobynyń ánshileri Erbolat jáne Janbolat Bedelhannyń áke-sheshesi bolǵan.
Belgili jýrnalıst Rıshat Asqarbekuly Facebook-tegi óz paraqshasynda ánshilerge kóńil aıtty.
