Qaraǵandydaǵy jol apatynan eki adam mert boldy
QARAǴANDY. QazAqparat - Qaraǵandyda eki kólik soqtyǵysyp, saldarynan eki adam mert bolsa, taǵy eki adam jaraqat alǵan, dep habarlaıdy «QazAqparat» HAA tilshisi.
Búgin, 5 qarasha kúni saǵat 00:20-da Shahterov dańǵylynyń boıynsha «Toıota kamrı» júrgizýshisi «Vaz 2107» jáne «Mersedes bents» kólikterimen soqtyǵysqan. Sol jerde jumys istegen dárigerler men JPP qyzmetkerleriniń aıtýynsha, «Toıota kamrı» júrgizýshisi Shahterov dańǵylymen Respýblıka dańǵylyna qaraı kele jatyp, qqarsy bettegi «Vaz 2107» kóligimen soqtyǵysady. Soqtyǵystyń kúshinen «Toıota» qarsy jolaqqa shyǵyp ketip, «Mersedes bents» mashınasymen soǵysady.
Alǵan jaraqaty saldarynan «Vaz» júrgizýshisi men jolaýshy oqıǵa ornynda kóz jumdy. Ekeýi de 1972 jylǵy týǵan. Dárigerlerdiń aqparaty boıynsha, «Toıotada» bolǵan eki áıel aýrýhanaǵa túsken. Medıtsınalyq kómek kórsetilgennen keıin olar úılerine qaıtaryldy.
