Qaraǵandydaǵy jol apatynan 6 adam qaza tapty
QARAǴANDY. QazAqparat - Qaraǵandy oblysynyń Qaraǵandy-Balqash tas jolynda iri jol apaty boldy. Oqıǵa saldarynan alty adam qaza taýyp, ekeýi aýrýhanaǵa jetkizildi, dep habarlaıdy QazAqparat tilshisi.
«Bıylǵy 10 tamyzda «Qaraǵandy-Balqash» tas jolynda Bektaý aýylynan 10 shaqyrym jerde «Lexus ES-300» avtokóliginiń júrgizýshisi aldyn ala jasalǵan boljam boıynsha joldyń qarsy betine shyǵyp ketip, «Nissan Juke» kóligine soǵylǵan. Ekinshi kólikti Almaty qalasynyń 43 jastaǵy turǵyny basqaryp kele jatqan. Jol-kólik oqıǵasy saldarynan «Lexus ES-300» avtokóliginiń júrgizýshisi men úsh jolaýshysy, «Nissan Juke»-tyń júrgizýshisi men jolaýshylary oqıǵa ornynda qaza taýyp, «Nissan Juke» kóliginiń eki jolaýshysy ártúrli jaraqattarmen aýrýhanaǵa jetkizildi», - dedi Qaraǵandy oblysy ІІD.
Jol-kólik oqıǵasy deregine qatysty QR QK 345-baby, 3-bóligi boıynsha sotqa deıingi tergeý amaldary bastalyp ketti.
Tıisti saraptamalar taǵaıyndalyp, tergeý júrgizilýde.
