Qaraǵandydaǵy jekejaıda myńdaǵan bódene men qoıan janyp ketti
QARAǴANDY. QazAqparat - Qaraǵandydaǵy bir qabatty jeke úıden shyqqan órt saldarynan myńdaǵan bódene men qoıan janyp ketti, dep habarlaıdy «QazAqparat» HAA.
«Órt Qaraǵandynyń Qazybek bı aýdany Volgograd kóshesindegi úıden shyqqan. Turǵyn úıdiń aýlasyndaǵy monsha men sharýashylyq qora-jaılar órtengen», - dep habarlady Qaraǵandy oblystyq TJ departamentiniń baspasóz qyzmeti.
Turǵyn úıge kórshi úıler jaqyn ornalasqandyqtan, qosymsha órt sóndirý qurylymdary tartyldy.
Tilsiz jaýdy 60 órt sóndirýshi men 14 arnaıy tehnıka aýyzdyqtaǵan. Órttiń jalpy aýmaǵy 290 sharshy metr.
Úı ıesiniń aıtýynsha, janǵan aýmaqta myńdaǵan bódene, shójeler men qoıandar bolǵan. Sarapshylar órttiń shyǵý sebebin anyqtap jatyr.
