Qaraǵandydaǵy YDDCorporation forroqorytpa zaýytyndaǵy ekinshi pesh iske qosyldy
QARAǴANDY. QazAqparat - Búgin Qaraǵandyda YDD Corporation ferroqorytpa zaýytynyń ekinshi peshi iske qosyldy. Ol jylyna 60 myń tonnaǵa deıin ferrosılıtsııa óndirý qabiletine ıe, dep habarlaıdy QazAqparat.
Zaýyttyń tabysty damý qarqyny ferrosılıtsııa óndirisiniń otandyq kóshbasshysy jáne metallýrgııa salasynyń kilti bolýǵa múmkindik beredi.
Jalpy, zaýyttyń birinshikezeńi óndirisiniń jalpy kólemi 180 myń tonnany, ekinshi kezeńi 240 myń tonnanyquraıdy.
Bul zaýyt jaqynda ashylǵan bolatyn, alaıda búginniń ózinde ekinshi pesh iske qosyldy. Oblysymyzdy tanystyrǵan kezde, biz birqatar iri kásiporyndar, sonyń ishinde oblystyń jańa brendine aınalǵan YDD Corporation ferroqorytpa zaýyty týraly mindetti túrde aıtamyz, – dedi Qaraǵandy oblysynyń ákimi Jeńis Qasymbek búgin óndiristiń jańa kezeńin iske qosý saltanatynda sóılegen sózinde.
YDD Corporation aktsıoneri Erlan Nyǵmatýlın jańa peshti iske qosý josparlanǵan kestege sáıkes júrgizilgenin atap ótti. Ol óz áriptesterine, kásiporyn qurylysyn jáne iske qosýǵa qatysqan Qazaqstan men basqa da elderdiń mamandaryna qajyrly eńbekteri úshin alǵysyn bildirdi.
Úkimetke jáne oblys ákimine bizge, ınvestorlarǵa úlken kómek kórsetkeni úshin alǵys aıtqym keledi. Bul zaýyt–óńirdegi jáne jalpy eldegi ınvestıtsııa úshin barlyq jaǵdaı jasalyp jatqanynyń birden bir kórinisi. Biz bul jumys jalǵasyn tabatynyna jáne bolashaqta da kásiporyndardy asha alatynymyzǵa senimdimiz, - dep atap ótti ol.
Sondaı-aq iske qosý rásiminde «Qazaqstannyń Damý Banki» AQ Basqarma tóraǵasynyń orynbasary Dýman Áýbákirov sóz sóıledi. Ol ekinshi peshti sátti iske qosý, zaýyttyń damýy ınvestorlardyń, quryltaıshylar men qyzmetkerlerdiń úılesimdi jumysyn kórsetetinin atap ótti. Osynyń bári Qazaqstandy ferrosılıtsııany eksporttaıtyn otandyq jáne álemdik kóshbasshylardyń bestigine shyǵarady, - dep atap ótti ol.
Joba respýblıkalyq Indýstrııalandyrý kartasyna engizilgen. Zaýytty salý kezinde ındýstrııalandyrý 4.0 baǵdarlamasynyń parametrlerine sáıkes keletin álemdik deńgeıdegi tehnologııalar qoldanyldy. Óndiris zamanaýı sandyq tehnologııalarmen jabdyqtalǵan.
Búgingi kúni bul álemdegi eń ekologııalyq taza kásiporyndardyń biri. Atap aıtqanda, zaýytta ornatylǵan gaz tazartý júıesi álemde teńdesi joq jáne aýany tazartýdyń joǵary deńgeıin, atap aıtqanda 99,8%-ǵa deıin tazarýyn qamtamasyz etedi.
Bul gaz tazartý júıesiniń kesheni shańdy óndiristen ustap qalyp, ony qurylys ónerkásibinde qoldanylatyn Mıkrokremnezem qosalqy zatyna aınalýynyń arqasynda qol jetkiziletin protsess. Atap aıtqanda, bul materıal joǵary mólsherdegi tsement, beton jáne t. b. óndirý úshin paıdalanylady.
Daıyn ónimdi óndirý kezinde qazaqstandyq qamtý úlesi 94%-dan astamdy quraýy óte mańyzdy faktor bolyp tabylady. Barlyq qajetti shıkizat bazasy - kómir, kvartsıt, okalın otandyq kásiporyndarmen jetkiziledi.
Ferrosılıtsıı zaýytynyń ónimi tolyǵymen eksportqa baǵyttalǵan.
Іske qosý bastalǵannan beri 6 myń tonnaǵa jýyq ónim óndirilip, shamamen 60 myń tonna ónim óndirildi jáne 380 jumys orny quryldy. Jobalyq qýatqa shyqqan kezde bul kórsetkish 550 adamǵa deıin artady, bul óz kezeginde qalanyń jáne oblystyń áleýmettik-ekonomıkalyq damýyna jaǵymdy áser etedi.
Barlyǵy jobany júzege asyrýǵa 35 mlrd teńge ınvestıtsııa salyndy. Osyndaıa ýqymdy kásiporyn «Qazaqstannyń Damý Banki» AQ qoldaýymen quryldy.
