Qaraǵandydaǵy ýlaný oqıǵasy: búgin úsh bala aýrýhanadan shyǵarylady

QARAǴANDY. QazAqparat – Arnaýly áleýmettik qyzmet kórsetý ortalyǵynan ýlaný dıagnozymen aýrýhanaǵa túsken balalardyń taǵy úsheýi búgin shyǵarylmaq, dep habarlaıdy QazAqparat.

Densaýlyq saqtaý basqarmasynyń málimeti boıynsha, qazir jansaqtaý bóliminde 6 bala jatyr. Olardyń jaǵdaıy – turaqty aýyr. Neıroboksırlengen bólimshedegei 3 balanyń jaǵdaıy turaqty, nasharlaý belgileri joq.

«Barlyǵy – 9 naýqas, olardyń ekeýi balalar aýrýhanasynyń jansaqtaý bóliminde, qalǵan jeteýi oblystyq klınıkalyq aýrýhananyń ınfektsııalyq aýrýlar ortalyǵynda. Úsh balany shyǵarý josparlanyp otyr», - dep málim etti basqarmadan.

Esterińizge sala keteıik, 30 shildede Qaraǵandy oblysynyń balalarǵa arnaýly áleýmettik qyzmet kórsetý ortalyǵynda birneshe bala ýlanyp, onyń bireýi qaıtys boldy.

Bas prokýratýra ýákiletti memlekettik organdar men aýmaqtyq prokýrorlarǵa elde osyndaı mekemelerge keshendi tekserýler uıymdastyrýdy tapsyrdy.

Osy oraıda, Bala quqyqtary jónindegi ýákil Dınara Zákıeva balalalarǵa arnalǵan mekemelerdegi kameralardy tikeleı Jedel basqarý ortalyǵy men jaýapty organdarǵa qosý boıynsha jumys júrip jatqanyn aıtty.

Densaýlyq saqtaý mınıstri Ajar Ǵınııat habarlaǵandaı, ishek ınfektsııasyna júrgizilgen synaq teris nátıje berdi.

Balalardyń naqty neden ýlanǵany belgisiz.

Taldaý nátıjesi boıynsha patsıentterden tamaqtan ýlaný rastalmady.