Qaraǵandydaǵy shirkeýden urlanǵan aqsha - jańa ǵıbadathananyń salynýyna berilgen qaıyrymdylyq qarajaty - eparhııa
QARAǴANDY. 16 tamyz. QazAqparat - Qaraǵandydaǵy Svıato-Vveden shirkeýinen urlanǵan iri kólemdegi aqsha jańa ǵıbadathanany qurylysyna berilgen qaıyrymdylyq qarajaty esebinen jınalǵan edi. Bul týraly Qaraǵandylyq eparhııadan habarlady.
«Ókinishke qaraı, Qaraǵandyda kıe týraly esh uǵymy joq adamdar tabyldy. Pravoslavıelik qaraǵandylyqtardy qaraqshylyq týraly habarlama titirkentti: tamyzdyń 13-nen 14-ne qaraǵan túni Svıato-Vveden shirkeýinen qazirgi kezde ǵıbadathananyń qurylysyna jınalǵan qarajattyń barlyǵy urlandy, - delingen eparhııanyń resmı saıtynda jarııalanǵan túsiniktemede.
Jańa kafedraly shirkeýdiń qurylysy Qaraǵandyda 2011 jyldyń kúzinde bastaldy, dep eske salady eparhııadan.
«Qurylystyń birinshi kúninen bastap eparhııaǵa bul izgi ári qasıetti iske qaıyrymdylyq qarajaty túse bastady. Kásipkerler men minájat etýshiler, dáýletti jáne qarapaıym pravoslavıelik adamdar óz úlesin qosýǵa tyrysty. Ásirese ózderi kómekke muqtaj adamdardyń qaıyrmdylyǵy mańyzdy boldy. Mysaly, qarajat qarııalar úıinen de kelip tústi», - dep atap ótiledi túsiniktemede.
Qylmystyń tez ashylýyna polıtseılerdiń kásibıligi men dindarlardyń ǵıbadaty kómektesti, dep sanaıdy din qyzmetkerleri.
«Ǵajap boldy: tártip saqshylarynyń jedel ári joǵary kásibı áreketteriniń arqasynda qaskóıler ustalyp, qylmystyq is qozǵaldy, tergeý amaldary júrgizilýde, qarajattyń biraz bóligi tabyldy.
Búgin Qaraǵandynyń dinshilderi qalamyzdyń quqyq qorǵaý organdarynyń qyzmetkerlerine shynaıy alǵysyn, al ózderiniń aspandaǵy jebeýshisi - kıeli qarııa Sevastıanǵa rızashyqtaryn bildirýde», - dep málimdeıdi eparhııadan.
Buryn habarlanǵandaı, tamyzdyń 13-nen 14-ne qaraǵan túni Qaraǵandynyń Svıato-Vveden shirkeýine urylar kirip, ondaǵy seıfti syndyryp, onyń ishinde jatqan 75 mln. teńge, 50 myń eýro jáne 1,3 mln. reseılik rýbldi urlap áketti. Qaskóıler sondaı-aq qymbat jádigerlerdi de alyp ketti. Polıtseılder kúdiktilerdi «izin sýytpaı» ustady. Olar Almatydan kelgen 22 jasqa deıingi úsh jumyssyz jigit bolyp shyqty. Olardyń aıtýynsha, urlyqtaryn shirkeýde jumys istegen tanystarynyń keńesimen jasaǵan. Kinálaryn moıyndaǵan olar urlanǵan zattardy jasyrǵan jerlerin kórsetti.
Kúdiktiler ýaqytsha ustaý abaqtysyna qamaldy. Tergeý amaldary júrgizilýde.
