Qaraǵandydaǵy shahtada úıindi basyp qalǵan kenshi qutqaryldy
ASTANA. QazAqparat - Qaraǵandydaǵy «ArselorMıttal Temirtaý» kompanııasyna qarasty Túsip Kúzembaev shahtasynda tótenshe jaǵdaı boldy, dep habarlaıdy QazAqparat «Habar 24» telearnasy silteme jasap.
Kenishte kómir qabaty qulap ketip, bir adam astynda qalyp qoıǵan. Abyroı bolǵanda 35 jastaǵy jumysker aman. Kómir qabaty onyń aıaǵyn basyp qalyp, oń jaq tizesi synǵan. Ol dereý Qaraǵandydaǵy aýrýhananyń birine jetkizilip, qajetti em-dom kórsetildi. Qutqarý jumystaryna barlyǵy 19 adam jumyldyrylǵan. Bul týraly Kásibı áskerı avarııalyq-qutqarý qyzmetiniń ókilderi habarlady.
Apattyń sebep-saldaryn arnaıy komıssııa anyqtaıtyn bolady. Alaıda «ArselorMıttal Temirtaý» kompanııasy bul oqıǵa týraly ázirge eshqandaı resmı aqparat taratqan joq.
