Qaraǵandydaǵy saıajaılarǵa qatynaıtyn avtobýstyń ýaqyty uzartyldy
ASTANA. QazAqparat - Qaraǵandyda bıylǵy jyly saıajaılarǵa baratyn avtobýstar baǵdarlarǵa ádettegiden erte shyǵyp, jumystaryn sál keshirek aıaqtaıtyn bolady. Oǵan qala ákimi Nurlan Áýbákirov múmkindik jasaýǵa ýáde berdi, dep habarlaıdy QazAqparat ákimdiktiń saıtyna silteme jasap.
Halyqpen eseptik kezdesý barysynda ákimge Fedorov sý qoımasy aýmaǵyndaǵy saıajaı qaýymdastyǵy óz saýaldaryn qoıdy. Olar jazǵy mezgilde avtobýstar óte sırek júretinine shaǵym aıtty. Sońǵy reıske úlgerý úshin saıajaıǵa barǵandar saǵat 19.30-da shyǵýǵa májbúr ekenderin jetkizdi. Degenmen sýǵarý ýaqyty 20.00-ge deıin jalǵasady.
«Eger ondaı másele bar bolsa, biz avtobýstardyń júrý ýaqytyn sáýirden qazan aılaryna deıin keshki toǵyz jarymǵa deıin sozatyn bolamyz. Sondaı-aq tańerteń avtobýstar erterek shyǵatyn bolady», - dep ýáde berdi Nurlan Áýbákirov.
Saıajaıshylar sonymen qatar olardyń ýchaskelerin ár kóktem saıyn Soqyr ózeniniń sýy basyp ketetin aıtyp nalydy. Baqshashylar pikirinshe bul jaıt ózen arnasy men sý qoımasynyń aınalma arnasyn butalar basyp ketkendikten bolady. Ákim bul máseleni de sheshýge áýde berdi.
«Tabıǵatty paıdalaný basqarmasynda Soqyr ózenin tazalaýǵa qarajat qarastyrylǵan, sondyqtan bıylǵy jyly bul máseleni biz sheshetin bolamyz», - dedi ol.
Sonymen qatar Nurlan Áýbákirovtyń aıtýynsha ekinshi úıindi arqyly ótetin saıajaıǵa aparatyn jol merdiger uıymdardyń kómegimen greıderlenetin bolady.
