Qaraǵandydaǵy saýda úıinde bolǵan órt kezinde 40 adam evakýatsııalandy
QARAǴANDY. QazAqparat - Qaraǵandy órt sóndirýshileri bes qabatty turǵyn úıdegi 40 adam, sonyń ishinde 7 balany evakýatsııalanǵan. Órt turǵyn úıge japsarlas salynǵan dúkennen shyqqan, sonyń saldarynan bir adam mert bolǵan, dep habarlaıdy «QazAqparat» HAA tilshisi.
«8 qarasha, sársenbi kúni saǵat 03:30-da Oktıabr aýdanyndaǵy «Ýnıversalnyı» dúkeninde órt shyqqany týraly habarlama tústi. Ol bes qabatty 4 kireberisi bar turǵyn úıge japsarlasa salynǵan. Órt sóndirýshiler kelgenge deıin qosalqy bólmede 15 sharshy metr jerdegi zattar men jıhazdar janyp ketken», - dedi Qaraǵandy oblystyq TJ departamentiniń resmı ókili Janna Dáýrenbekova.
Órt shyqqan jerden qaza tapqan er adamnyń denesi tabyldy, onyń jeke basyna qatysty málimetter anyqtalyp jatyr.
«Órt saǵat 04:15-te aýyzdyqtaldy. Órt sóndirýge 6 tehnıka men 27 qutqarýshy tartyldy. Aldyn ala nusqa boıynsha, órt elektr tehnıkasynyń aqaýynan - elektr jelisine shamadan tys artyq kúsh túsýdiń saldarynan», - dedi Janna Dáýrenbekova.
