Qaraǵandydaǵy robototehnıka festıvaline 800-ge jýyq komanda qatysady
Jańa tehnologııalarǵa qyzyǵýshylyq tanytatyn balalar men jasóspirimderge arnalǵan Qazaqstandaǵy iri festıval dástúrge aınaldy, alaıda jyl saıyn baǵdarlamasy ózgertilip otyrady. Forým mektep jáne kolledj oqýshylary arasynda bilim berý robototehnıkasyn tanymal etýge, atalmysh saladaǵy qaýymdastyqtardy biriktirý men damytýǵa arnalǵan alań bolyp tabylady.
Festıvaldiń uıymdasyrýshylary: Qaraǵandy oblysynyń bilim basqarmasy, Qaraǵandy oblysynyń Bilimdi damytý oqý-ádistemelik ortalyǵy, «Saryarqa Daryny» aımaqtyq ǵylymı-tájirıbelik ortalyq.
Tórtinshi festıvalde nomınatsııalar sany 32-ge deıin ulǵaıdy. Uıymdastyrýshylar anaǵurlym joǵary talaptarǵa ıe jáne tapsyrmalary bar premıým-klassty sanattardy qosty. Jasóspirimder 3D prınterdiń kómegimen modelderdi jasaý mashyǵyn kórsetip, saıysady, al mektepke deıingi balalar - robottardy qurastyrady. "Vırtýaldy shyndyq" nomınatsııasynda qatysýshylarǵa vırtýaldy shyndyq shlemi jáne basqarý saýsaqtary arqyly robot modelin jasap shyǵarý kerek bolady.
Bıylǵy jyly ROBOLAND festıvaline 771 komanda qatysady, onyń ishinde 754 - Qazaqstannan, 13 - Reseıden, 1 - Qyrǵyzstannan, 3 - Polshadan.
Іskerlik baǵdarlama da jańardy. Roboland-2018-ge bedeldi spıkerlerdiń rekordtyq sany shaqyrtylǵan. Qonaqtar Reseı, Qazaqstan jáne Grekııadan keledi. Olardyń qatarynda: «Vnedrenıe ınnovatsıı v sfere 3D obrazovanııa» Búkilreseılik Qaýymdastyǵynyń prezıdenti Roman Bondarenko, máskeýlik "Kýlıbın tsentr" dırektory Svetlana Shıpovskaıa, robototehnıka boıynsha kitaptardyń avtory Vıktor Petın, «Reseıdiń úzdik sandyq muǵalimi-2017» nomınatsııasynyń ıegeri Nına Danılına, 2016-shy jyldyń Eýropadaǵy úzdik STEM-pedagogy Mıhalıs Orfanakıs jáne t.b. Shet eldik mamandar ustazdar, mektep oqýshylary men stýdentteri úshin semınarlar men sheberlik-synyptaryn ótkizedi.
Festıalde alǵash ret qazaqstandyqtarǵa «Lýnnaıa Odısseıa» jaqyn ǵaryshty meńgerý boıynsha biregeı oqý-ádistemelik oqýlyq usynylady. Bul Birikken Zymyran-Ǵaryshtyq Korporatsııa, «Roskosmos» memlekettik korporatsııasy men LEGO Education kompanııasynyń birlesken bilim jobasy.
Festıvaldiń onlaın kórsetilimin roboland.kz. saıtynan kóre alasyzdar.
ROBOLAND festıvali Qaraǵandyda 2015-shi jyldan beri ótkizilip keledi. 2016-shy jyldan bastap ol halyqaralyq dárejesine jetken.
Qaraǵandy oblysynda "Bilim berý robototehnıkasy" jobasy 2014-shi jyldan beri júzege asyrylyp keledi. Bıylǵy jyly LegoMindstorms jabdyq jıyntyqtaryn 5 oblystyq mektepter alǵan. Úsh jyl ótken soń robototehnıka boıynsha úıirmeler men elektıvti kýrstar 188 bilim uıymdarynda jumys isteı bastady. 200-den astam qalalyq jáne aýyldyq mektepterdiń muǵalimderi robototehnıkany oqytý ádisi boıynsha oqýdan ótti. Zerthanalardy jabdyqtaý úshin túrli baǵyttaǵy jáne ártúrli óndirýshilerdiń robototehnıkasy satyp alyndy - LegoEducation, Tetrix, VEX, Arduino, RoboRobo.LearningResources. 2018-shi jyldyń sońyna deıin oblystyń barlyq 467 orta bilim berý mektepterinde robototehnıka zerthanalaryn ashý josparlanyp otyr.
