Qaraǵandydaǵy poıyz apaty: 100-den astam áskerı qyzmetshi kómek kórsetýde

NUR-SULTAN. QazAqparat - Qarýly Kúshterdiń áskerı qyzmetshileri Qaraǵandy oblysynda júk poıyzynyń joldan shyǵyp ketýinen bolǵan apattyń saldaryn joıýǵa járdemdesýde. Oǵan jeke quramnan 100-den astam adam men arnaıy tehnıka jumyldyryldy, dep habarlaıdy QR QM baspasóz qyzmeti.

Esterińizge sala ketsek, oqıǵa bıyl 1 aqpanda boldy. Júrip kele jatqan júk poıyzynyń 12 vagony relsten shyǵyp ketken. Saldarynan temirjol tósemi, elektr jelileri zaqymdaldy. Áskerı eshelondardyń qozǵalysyna oryn alǵan oqıǵa áser etken joq.

Qarýly Kúshterdiń áskerı qyzmetshilerin azamattyq mindetterdi sheshýge jumyldyrý el ekonomıkasyn odan ári damytý maqsatynda ulttyq kólik ınfraqurylymynyń turaqty túrde jumys isteýin qamtamasyz etýge baǵyttalyp otyr.