Qaraǵandydaǵy páterlerdiń birinen 36 jastaǵy er adamnyń máıiti tabyldy
QARAǴANDY. QazAqparat – Qaraǵandy qalasynyń ońtústik-shyǵysyndaǵy kóp páterli turǵyn úılerdiń birinen 36 jastaǵy er adamnyń denesi tabyldy, dep habarlaıdy QazAqparat.
5 naýryz kúni qaladaǵy Ýnıversıtetskaıa kóshesinde ornalasqan úılerdiń birinen 36 jastaǵy er adamnyń denesi tabyldy, ony óltirip ketken.
«Atalǵan fakti boıynsha, QR QK-niń 99 baby 1 bólimi boıynsha (kisi óltirý) qylmystyq is qozǵaldy. Jedel izdestirý jumystarynyń barysynda kúdikti izi sýymaı qolǵa tústi. Ol osy qalanyń 33 jastaǵy turǵyny. Kúdikti men ol óltirgen adamnyń birge otyryp, páterde spırtti ishimdik ishkeni anyqtaldy. Artynan ekeýiniń arasynda janjal shyǵyp, kúdikti bótelkelesin óltirgenin moıyndady»,-dep habarlady Qaraǵandy oblystyq polıtsııa departamentiniń baspasóz qyzmeti.
Qazirgi tańda tártip saqshylary atalǵan oqıǵa boıynsha tergeý júrgizip jatyr.
