Qaraǵandydaǵy onkologııalyq dıspanserge jańa korpýs salynady
QARAǴANDY. QazAqparat - Qaraǵandyda naýqastar qatary kóbeıgendikten onkologııalyq dıspanserge jańa korpýsyn qosyp salý jóninde sheshim qabyldandy, dep habarlady QazAqparat oblystyq ákimdikke silteme jasap.
Onkologııalyq dıspanserdiń qyzmetimen oblys ákiminiń birinshi orynbasary Asylbek Dúısebaev tanysty.
«Oblysta skrınıngtik tekserýden ótetin adamdardyń sany artty. Bul dertke shaldyqqandardy anyqtaýǵa septesedi. Jyl saıyn onkologııalyq dıspanserge keletin naýqastarynyń sany ulǵaıyp keledi. Eger 2011 jyly medıtsınalyq mekemege 90 myń adam barsa, bıyl olardyń sany 104 myńdy boldy», - delingen habarlamada.
Sonymen qatar, A. Dúısebaev ǵımarattyń qasbetin jańartyp, onkodıspanserdiń kire berisin retke keltirýdi tapsyrdy. Sonymen qatar palatalarǵa ulttyq tsıfrlyq telehabar taratý jelisine qosylǵan teledıdar qoıý jaıly sóz boldy.
Oblystyq ákimdiktiń aqparatynsha, 2016 jyly óńirde 3 mlrd teńgege mamandandyrylǵan medıtsınalyq jabdyq satylyp alyndy.
