Qaraǵandydaǵy maldyń jappaı qyrylýyna pasterellez sebep bolǵan

QARAǴANDY. QazAqparat - Qaraǵandy oblysynyń úsh aýylynda 96 iri qara mal qyryldy. Zerthana arqyly pasterellez dıagnozy rastaldy, dep habarlady «QazAqparat» HAA tilshisi.

«Oblystyq veterınarlyq zerthana mal pasterellezben aýyrǵany jaıly qorytyndy berdi. Bul aýyrýǵa iri qaradaǵy jutý qıyndyǵy, jara, sozylmaly silekeı belgileri tán. Búginde ólim-jitim toqtady. 319 maldyń 87-si indetten saýyqty», - dedi brıfıngte Aýyl sharýashylyǵy mınıstrliginiń veterınarlyq qadaǵalaý jáne baqylaý komıteti  oblystyq aýmaqtyq ınspektsııa basshysy Marat Muqtarov.

Nura aýdanynyń ákimi Nıqanbaı Omarhanovtyń aıtýynsha,  aýrý jaıylǵan joq. Jaǵdaı turaqtandyryldy.

«Veterınarlyq sharalar júrgizilýde. Maldar qaralyp, qajetti preparattarmen emdeý jumystary júrgizildi», - dedi ákim.

Eske sala keteıik, Pasterellezden mal jappaı qyrylyp jatqan Nura aýdanynda TJ rejimi engizilgendigi týraly budan buryn habarlaǵan bolatynbyz.