Qaraǵandydaǵy kolledjde memlekettik qyzmet kórsetý buryshtary ashyldy
Qaraǵandy oblysy boıynsha QR Memlekettik qyzmet isteri jáne sybaılas jemqorlyqqa qarsy is-qımyl agenttigi departamentiniń usynysy boıynsha, oblystyq ortalyqtyń kolledjderinde memlekettik qyzmetterdi alý jónindegi ózine ózi qyzmet kórsetý buryshtary quryldy.
«2018 jyldyń 2 naýryzynan 3 mamyryna deıingi kezeńde, elektrondy qoltańba alǵan azamattar sany 14 490 adamǵa jetti, olardyń 11 693 - stýdentteri, al oqytýshylardyń sany - 2 797», - dep málimdedi Qaraǵandy oblysynyń bilim basqarmasy basshysy Esenǵazy Imanǵalıev.
Qaraǵandyda stýdentter tikeleı kolledjderden memlekettik qyzmetterge kire alatyn boldy.
Budan basqa, kolledjder ǵımaratynda qyzmet etetin stýdentterge qyzmet kórsetý ortalyqtaryn qurý jónindegi jumys bastaldy. Sonymen qatar, osyndaı ortalyq qazir eki kolledjde jumys isteıdi. Bul - Qaraǵandy memlekettik tehnıkalyq ýnıversıteti men Qaraǵandy memlekettik ındýstrııaldyq ýnıversıteti.
Oblystyq bilim basqarmasynyń málimetinshe, stýdentterge qyzmet kórsetý ortalyqtary bilim alýshylarǵa memlekettik qyzmettiń alty túrin kórsetedi. Onyń ishinde stýdentterdiń basqa oqý ornyna aýysýy jáne oqýǵa qaıtyp ornalasýy, oqýǵa túsý úshin qujat tapsyrý, tehnıkalyq jáne kásiptik bilimin aıaqtamaǵandarǵa anyqtama berý, jataqhanadan oryn alǵanǵa qatysty qujattyń telnusqasyn (dýblıkat) berý, tegin tamaq berý nemese akademııalyq demalys alý bar. 
