Qaraǵandydaǵy kisi ólimi: Kúdikti Reseıge qalaı ótip ketti
ASTANA. QazAqparat - QR Іshki ister mınıstrligi Qaraǵandy meıramhanasyndaǵy kisi ólimine kúdiktiniń Reseıge qashýynyń mán-jaıyn aıtyp berdi, dep habarlaıdy QazAqparat.
«Іzdeý jarııalanǵan adamǵa toqtalsaq, ol Pavlodar oblysyndaǵy beket arqyly Reseı aýmaǵyna shekara asyp ketti. Bul málimetti biz jedel-tergeý sharalaryn ótkizý barysynda anyqtadyq. Ol shekarany 1 qańtar kúni saǵat 22:00-den keıin kesip ótken», - dedi QR Іshki ister mınıstriniń birinshi orynbasary Janat Súleımenov Ortalyq kommýnıkatsııalar qyzmetinde.
Osy oraıda ol qosymsha derekterdi anyqtaý úshin Qazaqstandyq tergeýshiler Reseı men Armenııaǵa baǵyttalǵanyn eske saldy.
«Osy elderdegi áriptestermen ózara is-qımyl máselelerin pysyqtap jatyrmyz. Onyń (kúdikti) málimdemesi Qazaqstanǵa oralýyna yqpal etedi dep oılaımyn», - dedi J. Súleımenov.
Sonymen qatar ol «Ejelgi Rım» meıramhanasyndaǵy tóbeles turmystyq sıpattaǵy janjal ekenin atap ótti.
Budan buryn habarlanǵandaı, QR Іshki ister mınıstrligi Qaraǵandydaǵy kisi ólimine qatysty kúdikti Gýrýrıanǵa óz erkimen berilýge keńes berdi.
Eske sala keteıik, QR ІІM Іshki jáne syrtqy kommýnıkatsııalar departamentiniń dırektory Almas Sadýbaev Qaraǵandydaǵy tóbelestiń sebebin aıtty.
