Qaraǵandydaǵy kishkentaı qyzdyń ólimine dárigerlerdiń kinási bar - komıssııa
QARAǴANDY. QazAqparat - Qoǵamdyq densaýlyqty saqtaý departamenti Qaraǵandynyń ınfektsııalyq aýrýhanasynda kóz jumǵan úsh jasar Aızere Kakarmanovanyń ólimine qatysty tekseristi aıaqtady, dep habarlaıdy «QazAqparat» HAA tilshisi.
Departament komıssııasy oblystyq ınfektsııalyq aýrýhananyń qyzmetkerleriniń jumysynan shıkilikti anyqtady. Dál osy jaǵdaı bala ólimine sebepshi boldy ma, joq pa - ol tergeý barysynda belgili bolady. Medıtsına qyzmetkerleriniń jumysynda jol berilgen kemshilikter men bala óliminiń arasyndaǵy baılanystardy Qaraǵandy ІІD aıqyndaıdy.
Komıssııanyń anyqtaýynsha, kezekshi dáriger juqpaly aýrýlar mamany emes, pedıatr bolyp shyqty.
Komıssııa qabyldaý bólimi dárigeriniń, emdeýshi dárigerdiń jáne medbıkelerdiń áreketterinen kemshilik tapty.
«Tekserý aktisimen tanystym. Onda dárigerlerdiń áreketterindegi QR QK 317-babynyń («Medıtsına nemese farmatsevtıka jumyskeriniń kásiptik mindetterin tıisinshe oryndamaýy») 3-bóliginde jáne Qylmystyq kodeksiniń zańsyz medıtsınalyq qyzmetpen aınalysý týraly 322-babynyń 3-bóliginde kórsetilgen quqyqbuzýshylyq belgileri qarastyrylǵan», - deıdi Aızereniń anasy Dıana Kakarmanova.
Komıssııa qorytyndylary Qaraǵandy ІІD Mıhaılov polıtsııa bóliminiń tergeýshisine beriledi. Naqty kúdiktiler joq.
Eske sala ketsek, 2017 jylǵy 31 jeltoqsan kúni 08:50-de Qaraǵandy aýrýhanasynda kóz jumǵan 3 jasar Aızere Kakarmanovnyń ata-anasy qaıǵyly oqıǵaǵa dárigerlerdi aıyptaǵan bolatyn. Qyzdyń anasy dárigerler qyzmetine uqypsyz boldy, adal qaramady dep otyr.
