Qaraǵandydaǵy kenshiler mádenıet saraıyna 70 jyl toldy
«Artta qalǵan 70 jyl ishinde kenshiler mádenıet saraıy barlyq jastaǵy qala turǵyndary úshin súıikti orynǵa aınaldy», - dep atap ótti oblys ákiminiń orynbasary Erbol Áliqulov saltanatty sharada sóılegen sózinde.
Mereıtoı keshi barysynda ardagerler men qazirgi qyzmetkerlerdi qurmetteý rásimi ótti. Mádenıet saraıynyń qyzmetkerlerine Qaraǵandy oblysy ákiminiń Qurmet gramotalary tabystaldy, sondaı-aq kásibı jaǵynan erekshe kózge túskender mınıstrliktiń «Mádenıet salasynyń úzdigi» belgisimen marapattaldy.
«Bizdiń 70 jyldyq mereıtoıymyzda mádenıet saraıynyń qandaı jumys atqarǵanyn kórsetkimiz keldi, qala turǵyndaryna onyń tarıhy týraly aıtyp bergimiz keldi. Eńbegimniń «Mádenıet salasynyń úzdigi» belgisimen baǵalanǵanyna óte qýanyshtymyn. Bıyl mádenıet salasynda jumys istegenime 46 jyl boldy. Bul – meniń alǵashqy joǵary marapatym. Menimen birge taǵy úsh áriptes marapattaldy. Bizdiń ujymda barlyǵy 116 adam jumys isteıdi, olardyń 70 paıyzy – jastar», - dedi KMS basshysy Jarýlla Aqyshev.
Mereıtoı kúni «Kózkórgender» ardagerler ansambli halyqtyq ataǵyna ıe boldy.
Al, kesh qonaǵy, Qazaqstannyń halyq ártisi Roza Rymbaeva elimizdiń eń úzdik sahnalarynyń birinde óner kórsetýge qýanyshty ekenin atap ótti.
«Men sahnada jarty ǵasyrǵa jýyq ýaqyt júrmin. Osy jyldar ishinde 20 ret Kenshiler mádenıet saraıynyń sahnasynda óner kórsettim. Qaraǵandy – súıikti qalam. Árqashan anshlag jáne árqashan meni osyndaı meıirimmen, súıispenshilikpen qabyldaıdy. Bizdiń respýblıkamyzdyń eń úzdik sahnalarynyń birin mereıtoıymen shyn júrekten quttyqtaımyn!» - dedi Roza Rymbaeva.
Kenshiler mádenıet saraıy – Qaraǵandy qalasynyń sımvoly. Ǵımarat qurylysy 1940 jyly jergilikti sáýletshiler Djozef Brenner men ıAkov ıAnoshtyń jobasy boıynsha bastalǵan. 1952 jyly nysan tolyǵymen paıdalanýǵa berildi. Al, 1983 jyly mádenıet saraıy sáýlet eskertkishi mártebesine ıe boldy.
Búginde Kenshiler mádenıet saraıynda 25 shyǵarmashylyq ujym jumys isteıdi, olardyń úsheýi – halyqtyq ataǵyna ıe.
