Qaraǵandydaǵy farmatsevtıkalyq zaýyt «Spýtnık V» vaktsınasyn eksportqa shyǵarmaqshy
NUR-SULTAN. QazAqparat – «Qaraǵandy farmatsevtıkalyq kesheni» JShS-niń bas dırektory Sergeı Baron «Spýtnık V» preparatyn eksportqa shyǵarý múmkindikteri týraly pikir bildirdi, dep habarlaıdy QazAqparat.
«Kelisimshart boıynsha biz Densaýlyq saqtaý mınıstrliginiń aldyndaǵy mindettemelerdi oryndap bolǵansha eshkimge vaktsına jónelte almaımyz. Tek DSM-niń biryńǵaı dıstrıbıýterine ǵana beremiz. Eger, kelisimshartta kórsetilgen 5 mln doza jetkilikti bolsa, ári qaraı eksportqa shyǵýǵa bolady. Bizge habarlasýshylar kóp. Ásirese kórshi elderden tikeleı shyǵyp jatqandar bar. Biz sózben aıtqanda, Qazaqstandyq tolyq qamtamasyz etkennen keıin eksportqa shyǵamyz», - dedi Sergeı Baron onlaın baspasóz máslıhatynda.
Atalǵan sharada Sergeı Baron Qarǵandydaǵy zaýyttyń kún saıyn neshe doza vaktsına shyǵaryp jatqanyn aıtqan edi.
