Qaraǵandydaǵy eń aýqymdy aýdanyndaǵy ýchaskelik polıtseı óz mindetin atqarýdyń qyr-syrymen bólisti

Qaraǵandy qalasynyń Ońtústik-Shyǵys polıtsııa bólimi kenshiler qalasynda shaqyrtý sany jáne oryn alatyn qylmys sany boıynsha ekinshi orynda. Bul bólimshedegi tártip saqshylary qalanyń eń úlken aýmaqtarynyń birinde qoǵamdyq tártiptiń saqtalýyn qadaǵalap, kúndelikti jasalatyn qylmysty ashýmen aınalysady. Sol polıtsııa qyzmetkerleriniń arasynda Ońtústik-Shyǵys polıtsııa bóliminiń jergilikti polıtsııa qyzmet bólimshesiniń ýchaskelik polıtsııa ınspektory Arman Qanapın de bar.

Ol ishki ister organdarynda 2013 jyldyń mamyr aıynan beri jumys istep keledi. Eńbek jolyn kámeletke tolmaǵandar isteri boıynsha ýchaskelik ınspektor retinde bastaǵan. Eki jyl istep, 2015-shi jyly ýchaskelik polıtsııa laýazymyna aýystqan. Atalǵan ýchaskede 5 jyldan beri qyzmet etip keledi.

-Nelikten dál osy salany tańdadyńyz? Qansha degenmen ýchaskelik polıtseılerdiń jumysy qıyndyqqa toly...

- Іshki ister organdarynda kez-kelgen salada jumys isteý ońaı emes. Ár qyzmettiń ózindik bir qıyndyqtary bolady. Maǵan osy ýchaskelik polıtseı qyzmetin atqarǵan unaıdy. Sebebi bizder halyqqa jaqyn bolamyz. Adamdardyń tynyshtyǵyn, qaýipsizdigin, olardyń múddesin qorǵaımyz. Sol sebepti jumysymdy jaqsy kóremin.

-Pandemııa kezinde karantın shekteýi jumysyńyzǵa qalaı áser etti? Qyzmetterińiz qıyndaı tústi me álde qylmys azaıdy ma?

- Karantın kezinde bizdiń oıymyzsha, qoǵamdyq qylmys azaıdy. Biraq turmystyq qylmystar sany ósti deýge bolady. Januıada oryn alatyn janjal kóbeıdi. Erli-zaıyptylar arasyndaǵy urys-keris jıilep ketti. Jalpy ortasha eseptegende, biz kúnine kem degende 5-6 shaqyrtýǵa shyǵamyz. Jumysymyz tańǵy 8.00-de saptyq jıynnan bastalyp, túngi 23.00-ge deıin sozylady. Osy aralyqta túrli sebeptermen ondaǵan shaqyrtý túsedi.

-Sizderdiń ómirlerińizge árdaıym qaýip tónetini jasyryn emes. Alaıda sizdiń esińizde qalǵan erekshe jaǵdaı bar ma?

- Aptasyna br ret biz túngi patrýlge túsemiz. Qoǵamdyq tártipti qamtamasyz etý barysynda, qylmystyń aldyn alý maqsatynda bir shaqyrý kelip tústi. Qurylysshylar dańǵyly boıyndaǵy «Araı» bazaryna urylar túskeni týraly habar keldi. Shaqyrý túsken bette sol mańaıda júrgen barlyq patrýlder jumyldyryldy. Polıtsııa qyzmetkerleri jınalyp, «Araı» bazarynyń ǵımaraty qorshaýǵa alyndy. Sol kezde men órt sóndirýshilerge arnalǵan qosalqy baspaldaqpen ǵımarattyń tóbesine shyqtym. Sol ýaqytta shatyrdyń ústinde eki adam jasyrynyp jatqan bolatyn. Men olardyń janyna jaqyndaǵanda, bir qylmysker maǵan umtyla ketti. Onyń bir jaq qolynda pyshaq, ekinshi qolynda buraýysh boldy. Ekinshi qylmysker qasha jóneldi. Al bireýi maǵan shabýyl jasady. Men jekpe-jek tásilin paıdalanyp, qylmyserdi qarýsyzdandyrdym da, ekinshisin qýa jóneldim. Sálden soń ony da ustadyq. Quryqtalǵan urylardan 200 myń teńge aqsha men bir qorap altyn tárkilendi. Tergeý barysynda atalmysh qylmyskerlerdiń osy sekildi taǵy 11 urlyq jasaǵany anyqtaldy.

Pandemııa kezinde ereje buzýshylyqtar qanshalyqt jıi kezdesti?

- Biz aptasyna bir ret mobıldi toppen birlesip, qoǵamdyq oryndardy, saýda úılerin, oıyn-saýyq mekemelerin aralap otyramyz. Qatań karantındik sharalar engzilgen kezde oblystyń Bas sanıtarlyq dárigeriniń qaýlysynda jazylǵan ereje buzǵan alǵashqy mekeme oıyn klýby boldy. Onda shekteýlerge qaramastan jasósprmider jınalyp, kompıýterlik oıyndar oınaǵany anyqtaldy. Sodan soń túngi klýb pen meıramhanada adamdar jınalǵanyn anyqtadyq. Qazirgi tańda ondaı ereje buzý faktileri azaıdy. Halyq óz densaýlyǵyna sanaly túrde qaraı bastady deýge bolady.