Qaraǵandydaǵy emhanada qyzmetkerlerdiń 80%-ǵa jýyǵy ekpe aldy

Qaraǵandy qalasynyń №4 emhanasy 17 jyl buryn qurylǵan. Medıtsınalyq mekeme Oktıabr aýdany turǵyndarynyń bir bóligine qyzmet kórsetedi. Bir aýysymda emhanaǵa 500-den astam patsıent qabyldaıdy. Naqty qýaty – aýysymyna 700 kelýshini quraıdy. Munda 2 aýysymda jumys isteıtin 30 tósektik kúndizgi statsıonar bar. Kún saıyn 60 naýqas em alady. Naýqastarǵa úıdegi statsıonarlar uıymdastyrylady. Emhananyń qyzmet kórsetiletin aýmaǵynyń radıýsy 28 shaqyrymdy quraıdy. Bul aýmaq — qalanyń halyq tyǵyz ornalasqan aýdandarynyń biri. Sondyqtan, buqaralyq ımmýndaý máselesine mekeme basshylyǵy asa jaýapkershilikpen qarap otyr. Turǵyndar arasynda vaktsınatsııanyń qalaı ótip jatqany týraly dırektordyń medıtsınalyq qyzmet sapasyn baqylaý jónindegi orynbasarynyń m. a. Shahrýh Týlametov aıtyp berdi

- Shahrýh Nazymbekuly, pandemııa bastalǵaly beri sizderdiń emhanada tirkelgen turǵyndar arasynda qansha adam koronavırýs juqtyryp, emdeldi? Pandemııa kezinde qansha turǵyn kóz jumdy?

- 2020 jyly bizde koronavırýstyq ınfektsııany juqtyrýdyń 917 jaǵdaıy tirkeldi. Búgingi tańda KVI-men aýyratyndar sany 1590 adamdy quraıdy. Ókinishke oraı, pandemııa kezinde biz 28 adamnan aıyrylyp qaldyq. 2021 jyly jyl basynan 10 shildege deıin 9 ólim jaǵdaıy tirkeldi.

- Sizderdiń emhanalaryńyzda vaktsınatsııa qalaı júrgiziledi? Vaktsınanyń birinshi komponentin qansha adam aldy jáne ekinshisin qanshasy aldy?

- Jalpy, emhana basshylyǵy 24725 adamdy egýdi josparlap otyr. Búgingi kúnge deıin bizdiń medıtsınalyq mekemege tirkelgen 15962 turǵyn ımmýndaýdan ótti. Onyń ishinde birinshi komponentti 10964 adam, al 2 komponentti 4998 adam aldy. Paıyzdyq qatynasta halyqty birinshi komponentpen qamtý 44% qurady.

- Turǵyndarǵa qandaı vaktsına egesizder?

- Gam-Kovıd, Kaz-Kovıd, Haıat Vak, Korona-Vak vaktsınasynyń barlyq komponentterin egemiz

- Vaktsınatsııadan keıin asqynýlar boldy ma?

- Joq, mundaı jaǵdaılar bizdiń emhanada tirkelgen joq. Naýqastar vaktsına alady. Árıne, vaktsınatsııaǵa tán ilespe belgiler bar. Biraq tutastaı alǵanda olar jaqsy ótýde.

- Al emhana qyzmetkerleri jaıly ne aıtasyz? Olardyń barlyǵy vaktsına aldy ma?

- Barlyq derlik qyzmetkerler vaktsına alǵan joq. Sebebi olardyń arasynda júkti jáne bala emizetin áıelder bar. Biraq jalpy qamtý 79% quraıdy.

- Sizderdiń mekemede vaktsına jetkilikti me?

- Qazirgi ýaqytta biz Gam-Kovıdtiń 1 komponentin egemiz, qalǵan barlyq vaktsınalar tek 2 komponentten turady.

- Vaktsınatsııa qanshalyqty mańyzdy?

- Vaktsınatsııanyń arqasynda biz halyq arasynda KVI ınfektsııasyn aıtarlyqtaı azaıta alamyz. Bul ózińizdi qaýipti vırýstan qorǵaýdyń eń mańyzdy tásili. Joǵaryda keltirgenimdeı, ólim deńgeıi aıtarlyqtaı tómendedi. Bul belgili bir deńgeıde vaktsınatsııanyń arqasynda. Sondyqtan vaktsınatsııa óte mańyzdy dep sanaımyn.