Qaraǵandydaǵy bulaq sýynyń quramynda nıtrat tym kóp bolyp shyqty
QARAǴANDY. QazAqparat - Qaraǵandy qalasynyń aýmaǵyndaǵy bulaq sýynyń quramynan nıtrattyń joǵary mólsheri anyqtalyp, ony paıdalanýǵa tyıym salyndy, dep habarlaıdy QazAqparat tilshisi.
«Ulttyq saraptama ortalyǵynyń Qaraǵandy oblystyq bólimshesi sanıtarlyq-hımııalyq kórsetkishter boıynsha zerthanalyq zertteý júrgizip, sonyń nátıjesinde Babýshkın kóshesindegi uńǵymada nıtrattyń joǵary ekendigi rastaldy», - dep túsindirdi Qaraǵandy oblystyq Qoǵamdyq densaýlyq saqtaý departamentindegiler.
Budan bólek, nıtrattyń normasy 45 mg/l bolsa, uńǵymadaǵy sýdyń quramynda 56,5 mg/l ekendigi anyqtaldy. Kópjyldyq zerthanalyq derekter boıynsha, uńǵymadaǵy sý sapasynyń nasharlaýy kóktem-jaz maýsymynda baıqalǵan.
Vedomstvoda túsindirip ótkendeı, turǵyndarǵa bul sýdy ishýge tyıym salyndy. Nıtrat adam aǵzasynda birqatar qaýipti aýrýlardy týǵyzýy múmkin.
