Qaraǵandydaǵy «Besoba» TK-de opyrylyp qulaǵan úıdi qabyldap alǵan eki burynǵy sheneýnik raqymshylyqqa ilikti
QARAǴANDY. 22 aqpan. QazAqparat - Qaraǵandy qalasynyń Qazybek bı atyndaǵy sotynda Qaraǵandy ákiminiń burynǵy orynbasary Vıktor Ivanov pen Memlekettik sáýlet qurylys baqylaý basqarmasynyń burynǵy qyzmetkeri Dáýlet Altynbekovke qatysty úkim shyǵaryldy. Olar Qaraǵandynyń «Besoba» TK-de opyrylyp qulaǵan №7 úıdi qabyldaǵan, naqtyraq aıtqanda memlekettik qabyldaý komıssııasynyń tóraǵasy jáne orynbasary bolǵan, dep habarlady agenttiktiń tilshisi sot otyrysy zalynan.
«Ivanov QR QK-niń 316 baby, 2 bólimi boıynsha (Selqostyq) kináli dep tanylyp, 4 jylǵa sottalsyn. Sondaı-aq onyń 2 jylǵa deıin memlekettik qyzmette jumys isteýine tyıym salynady. «Raqymshylyq týraly» QR Zańyn qoldanýǵa baılanysty ol jazadan bosatylsyn», - dedi Qaraǵandy qalasy Qazybek bı atyndaǵy aýdannyń sýdıasy Janat Egemberdıeva. Úkimge sáıkes, D. Altybekov te osyndaı jazaǵa tartylyp, raqymshylyqqa ilikti.
Sot azamattyq aryzdardy qaraýsyz qaldyrdy. Sottyń úkimimen V. Ivanov pen D. Altynbekov sot zalynda bosatyldy.
