Qaraǵandydaǵy Batyrlar alleıasy jańa estelik taqtalarmen tolyqty

QARAǴANDY. QazAqparat – Qaraǵandydaǵy Batyrlar Alleıasyna Ekinshi dúnıejúzilik soǵysyna qatysýshylar - Keńes Odaǵynyń Batyrlary esimi jazylǵan taǵy 14 memorıaldyq belgi ornatyldy. Jańartylǵan alleıada oblys ákimi Jeńis Qasymbek boldy, dep habarlaıdy QazAqparat tilshisi.

Alleıada alǵashqy taqtaıshalar 80-shi jyldary ornatyldy. Sol kezde tek Qaraǵandy oblysynan ǵana maıdanǵa attanǵan Keńes Odaǵynyń 20 batyrynyń esimi máńgi estelik retinde jazylǵan bolatyn. Jeńistiń 75 jyldyǵyna oraı «Máńgilik alaýdyń» Jaýyngerlik Dańq memorıaldyq ansambline birikken Qaraǵandy ján Jezqazǵan oblystarynyń barlyq batyrlarynyń esimderin biriktirý týraly sheshim qabyldandy. Jańa eskertkish týmbalar buryn ornatylǵandarǵa uqsas etip jasalǵan. Olar sondaı-aq qola jazýy bar granıtti tastan qashalǵan. Estelik belgilerdi jasaý úshin eki aı boıy oblystyq Sýretshiler odaǵy eńbek etti.

Qaraǵandy oblysynan barlyǵy 45 myńǵa jýyq adam maıdanǵa attanǵan. Soǵys alańynda 18 myń adam qaza tapty. Búgingi kúni oblysta 64 Uly Otan soǵysynyń ardageri turady.