Qaraǵandydaǵy balalardyń jappaı ýlanýy: Oqıǵa ornyna Densaýlyq saqtaý mınıstri attandy

ASTANA. QazAqparat - Qazaqstan Respýblıkasynyń Densaýlyq saqtaý mınıstri Ajar Ǵınııat medıtsınalyq-áleýmettik mekemede balalardyń ýlanýyna baılanysty Qaraǵandyǵa ketip barady.

Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.

Baspasóz qyzmetiniń málimetinshe, medıtsınalyq kómek kórsetý úshin Densaýlyq saqtaý mınıstrliginiń jetekshi mamandarynyń toby jiberildi.

Soǵan baılanysty, mınıstrdiń buryn Qosshy qalasyna josparlanǵan jumys sapary 2023 jylǵy 2 tamyzǵa aýystyrylady.

Osyǵan deıin Qaraǵandy oblysyndaǵy balalarǵa arnaýly áleýmettik qyzmet kórsetý ortalyǵynda balalardyń jappaı ýlanyp, 1 bala qaıtys bolǵany jarııalandy. Taǵy 6 bala jansaqtaý bóiliminde jatyr.