Qaraǵandydaǵy aınalma jol qurylysy: Qaıyń ormandy qalaı saqtap qalýǵa bolady

Jıynǵa Qaraǵandy oblysynyń tabıǵı resýrstar jáne tabıǵatty paıdalanýdy josparlaý basqarmasynyń jetekshisi Rýslan Túlepbaev, «QazAvtoJol UK» AQ Qaraǵandy oblystyq bólimshesiniń dırektory Qanat Shaımın men onyń orynbasary Igor Gafton, «Orman jáne janýarlar álemin qorǵaý jónindegi Qaraǵandy sharýashylyǵy» mekemesiniń dırektory Maqsat Muqanov qatysty.

Áleýmettik jelilerde jol qurylysyna baılanysty aǵashtardy kesýge qatysty másele keń talqylandy. Qala jurtshylyǵy qaıyń ormanyn saqtap qalý maqsatynda petıtsııaǵa qol qoıdy. 
Spıkerler jobamen tanystyryp, onyń tabıǵatqa áserin túsindirdi. Baspasóz-konferentsııasyna táýelsiz ekologtar men bastamashyl top ókili Marııa Fateeva qatysty. 

«2015-2019 jyldarǵa arnalǵan «Nurly Jol» memlekettik ınfraqurylymdyq damý baǵdarlamasyn iske asyrý maqsatynda «Ońtústik-Ortalyq» -«Astana-Qaraǵandy-Balqash-Almaty» kólik dálizin qalpyna keltirý boıynsha joba ázirlendi. Jobalaý kezinde birneshe nusqa qaraldy, olardyń ishinen eń tıimdisi, orman sharýashylyǵyna az shyǵyn keltiretin nusqa tańdaldy. «Tıhonov qaıyń ormany» memelekettik tabıǵat eskertkishi qurylys aýmaǵyna enbedi. Avtojol tek Shaǵyn qaıyń ormany arqyly ǵana ótedi. Bul jerde 140 qaıyń kesiledi»,-dedi Rýslan Túlepbaev.

Baspasóz-konferentsııasynda málim etilgendeı, onyń ornyna orman qory aýmaǵynda dál osy toǵaıǵa qaıyńnyń 4000 kósheti otyrǵyzylady. Sonymen qatar, 1400 qaraǵaı qaıta otyrǵyzylady.
«QazAvtoJol» orman sharýashylyǵy jumystaryna shamamen planırýet 30 mln teńge bólmek. Ormandy joıǵany úshin memleketke taǵy 4,5 mln teńge kóleminde ótemaqy tóleıdi. 

«Bul aýmaqta ázirge birde bir aǵash kesilgen joq. QR Úkimeti orman qoryndaǵy jerlerdi transporttyq qajettilikterge ótkizý týraly kelisimdi resmı túrde bekitpeıinshe, aǵashtardy kesý men qaıta tyrǵyzý jumystary jasalmaıdy. Búgingi tańda barlyq materıaldar jer resýrstaryn basqarý boıynsha ortalyq quzyrly mekemege jóneltilgen. Normatıvti-quqyqtyq akt jobasy daıyn, ol talqylaýlardan ótýi tıis. Oǵan birneshe aı jumsalady, jyl sońynda barlyǵy sheshilýi tıis,-dep sendirdi R.Túlepbaev.

«Qaraǵandy-Temirtaý» bóliginiń jobalyq-smetalyq qujattaryn «Kazdorproekt» JShS (Almaty) jasaǵan. 2016-shy jyldyń qazan aıynda memlekettik saraptamanyń oń qorytyndysy alynǵan. Jobalaý kezinde qoǵamdyq tyńdaýlar ótkizilgen. 

Orman massıvi boıynsha uzyndyǵy 1,2 shaqyrym jáne 700 m eki jol bóligi ótedi. 
«Nelikten qazir qoldanylmaıtyn joldyń burynǵy bóligi qalpyna keltirilmeıdi degen suraqtar qoıylýda. Munda avtoban salynbaq, onyń naqtylanǵan normalary men talaptary bar. Jyldamdyq tártibi men jol qozǵalysynyń qarqyny burynǵy jol boıynsha qaýipti»,-dep túsindirdi Igor Gafton.
Basqa eki nusqada kelmegen: onyń birinde aınalý alańy úshin qazirgidende kóp aǵash kesilýi kerek edi; ekinshisinde ektakada usynyldy, onyń irgetasy úshin de qaıyń ormanynyń jartysyn kesý kerek edi.
«Sońynda eń tıimdi joldy tańdadyq, ol - osy sizderdiń aldaryńyzdaǵy nusqa. ıAǵnı eki qaıyń kóshetteri arasyndaǵy bólik tańdaldy»,-deıdi «QazAvtoJol» AQ bólimshesi dırektorynyń orynbasary.

 Aıtylǵan keńesterdi eskere QOKÁB (qorshaǵan ortaǵa keletin áserdi baǵalaý) jobasyna ózgertýler engizildi, ol qazir memlekettik saraptamada. Jas kóshetter boıynsha málimetter engizildi:qansha aǵash kesiledi jáne qaıta otyrǵyzylady, jáne de jańa kóshetter sany boıynsha.

Onyń sózinshe, adamdardyń joldan ótýi yńǵaıly bolý úshin kompanııa qosymsha shyǵyndarǵa barǵan,ol úshin arnaıy jaıaý júrginshiler joly salynyp, shýyl ótkizbeıtin kran ornatylady.
Jýrnalısterdi aǵashtardy qaıta otyrǵyzǵanda olardyń jaǵdaıy men jańa kóshetterdiń ósip-ónýi qyzyqtyrdy.

Spıkerlerdiń sózinshe, aǵashtardy otyrǵyzýmen jáne olardy ary qaraı baptaýmen orman sharýashylyǵynyń bilikti mamandary aınalysatyn bolady. 

Qaıyń ormanynyń taǵdaryna qatysty jol qurylysyn baqylaýǵa jurtshylyq qatysatyn bolady dep ýáde etildi.