Qaraǵandydaǵy avtoservıste turǵan 4 kólik órtenip ketti
QARAǴANDY. QazAqparat – Qaraǵandyda avtoservıs ortalyǵynan órt shyǵyp, 4 avtokólik órtenip ketti, dep habarlaıdy QazAqparat tilshisi.
«Búgin saǵat 14: 39-da Balqash kóshesi, 15-shi úı meken-jaıynda órt bolyp jatqany týraly habarlama kelip tústi. Órt ornyna qutqarýshylar 5 mınýtta jetken. Órt sóndirý bólimsheleriniń qyzmetkerleri kelgen sátte sharýashylyq qurylystarynda avtoservıs retinde beıimdelgen garaj janyp jatty. Órt eki qabatty turǵyn úıge kóshken. Garajda 4 órtengen avtokólik tabyldy. Oqıǵa ornynda 42 adam, TJD 6 órt sóndirý avtotsısternasy jumys istedi», dedi TJD baspasóz qyzmeti.
Órt aýmaǵy 200 sharshy metrdi qurady, onyń 150 sharshy metri avtoservıske beıimdelgen garaj, 50 sharshy metri turǵyn úı shatyrynyń aǵash torlary, jaqyn mańdaǵy otyn janyp ketken. Órt saǵat 15:40-ta sóndirildi. Zardap shekkender joq.
