Qaraǵandydaǵy «Arselor Mıttal Temirtaý» AQ shahtasyndaǵy órt bir aptadan keıin sóndirildi
ANA. 3 mamyr. QazAqparat - Qaraǵandy qalasy «Arselor Mıttal Temirtaý» AQ-nyń Kostenko shahtasynda shyqqan órt bir aptadan soń ǵana sóndirildi.
Buǵan deıin habarlaǵanymyzdaı, 26 sáýir kúni túski saǵat bir shamasynda shahtanyń №48K-12 2v demontajdy kamerasynda (gorızont 30 m) órt boldy. Jalynmen kúrese otyryp, mamandar bir mezgilde gıpsten bógetter salyp, tasymaldanbaly gaz taldaǵysh zerthananyń kómegimen gazdyń jaǵdaıyn baqylap otyrdy.
QR Tótenshe jaǵdaılar mınıstrliginiń málimetinshe, órtti tolyǵymen aýyzdyqtaý tek 2 mamyr kúni túski saǵat 12-ge qaraı múmkin boldy.
Tótenshe jaǵdaıdy joıýmen QR TJM «Kómir» Áskerılendirilgen apattyq-qutqarý qyzmetiniń 15 adamy men 3 tehnıkasy aınalysty.
