Qaraǵandydaǵy 16 qabatty turǵyn úıde órt boldy
ASTANA. QazAqparat - Qaraǵandydaǵy kóp qabatty turǵyn úıdegi páterlerdiń birinde órt boldy, dep habarlaıdy QazAqparat tilshisi QR ІІM TJK baspasóz qyzmetine silteme jasap.
«15 naýryz kúni 17:12-de Qaraǵandy qalasy, Qazybek bı aýdanyndaǵy 16 qabatty turǵyn úıdiń ekinshi qabatyndaǵy páterde gaz-aýa qospasynan órt shyǵyp, 4 sharshy metr aýdanda úı jıhazy órtendi», - delingen habarlamada.
Komıtet ókilderiniń aıtýynsha, órt sóndirý qyzmetkerleri 68 adamdy, sonyń ishinde 13 balany qutqarǵan.
Jalyn 17:44-te aýyzdyqtalyp, 17:50-de tolyqtaı sóndirilgen. Qurban bolǵandar men zardap shekkender joq.
