Qaraǵandydaǵy «1000 usaq-túıek» saýda úıinen shyqqan órttiń sebebi belgili boldy
QARAǴANDY. QazAqparat - Qaraǵandydaǵy «1000 usaq-túıek» saýda úıinde bolǵan iri órt oqıǵasynyń sebep-saldary belgili boldy. Oqıǵa kezinde 180 sharshy metr aımaqtaǵy býtıkter janyp ketken bolatyn, dep habarlaıdy QazAqparat tilshisi.
Tótenshe jaǵdaılar departamentiniń «Órt sóndirý men órtten-qutqarý qyzmeti» memlekettik mekemesiniń órt sóndirý zerthanasynyń sarapshylary órttiń saýda úıiniń elektr jelisiniń zaqymdanýynan shyqqandyǵyn aıtty.
«Zaqymdanǵan elektr jelisi órttiń shyǵýynyń basty sebepshisi. Qylmystyq zańbuzýshylyqpen baılanysty, ádeıi órteý sııaqty ózge faktorlar anyqtalǵan joq»,-dep habarlady Qaraǵandy oblystyq Tótenshe jaǵdaılar departametiniń baspasóz qyzmeti.
Qandaı da bir materıaldyq qundylyqtary órtenip ketken kásipkerler qarym-qatynasqa kelmeı jatyr.
Aıta keteıik, Qaraǵandydaǵy «1000 usaq-túıek» saýda úıinen shyqqan iri órt 14 maýsym kúni saǵat 23-00-de boldy. Dúkendi ashyq jalyn sharpyǵan. Saǵat 23-55-te órt aýyzdyqtaldy. Taǵy 5 mınýttan soń ol túgeldeı sóndirildi.
Órti sóndirý jumystaryna 80 órt sóndirý jáne arnaıy tehnıkasy jumyldyryldy. Órt sóndirýshiler saýda úıi ornalasqan 9 qabatty úıden 462 adamdy shyǵardy. Jalyn 180 sharshy metr aımaqty sharpyǵan.
