Qaraǵandyda zymyran bólshekterinen zardap shekken jumysshynyń ólimine dárigerler pikir bildirdi
QARAǴANDY. QazAqparat - Baıqońyr ǵarysh aılaǵynan ushqan «Soıýz 2.1a» zymyran tasyǵyshynyń bólingen bólshekteri qulaýy saldarynan shyqqan órtti sóndirý kezinde zardap shekken reseılik «Mashına jasaý ǴÓB» kásiporynyń 49 jastaǵy qyzmetkeri Vıacheslav Tytstyń qaıtys bolýyna baılanysty Maqajanov atyndaǵy ortopedııa jáne travmotologııa ortalyǵynyń qyzmetkeri Hafıza Makajanova pikir bildirdi, dep habarlaıdy QazAqparat tilshisi.
«Ókinishke oraı Vıacheslav Tytsty aman alyp qalý múmkin bolmady. Onyń jaraqaty óte aýyr boldy, ol búgin kóz jumdy. Termıkalyq jaraqat bulshyqetterdi zaqymdaǵan»,- dedi Hafıza Makajanova.
Aıta keteıik, biz buǵan deıin Baıqońyr ǵarysh aılaǵynan ushqan «Soıýz 2.1a» zymyran tasyǵyshynyń bólingen bólshekteri qulaýy saldarynan shyqqan órtti sóndirý kezinde zardap shekken Vıacheslav Tyts kóz jumǵandyǵy týraly habarlaǵan bolatynbyz.
