Qaraǵandyda jylytý maýsymyna daıyndyq qalaı júrip jatyr
Meıram Kojýhov jylytý maýsymyna daıyndyq aıasynda qalany aralaýdy jalǵastyryp jatyr.
«Kóktemde eń mańyzdy jáne qajetti jobalardyń biri – uzyndyǵy 2,5 km quraıtyn M10 jylý magıstraliniń (Taýgúl sh/a ornalasqan 10.1 pavılonynan Muqanov kóshesi boıynda ornalasqan 10.2 pavılonǵa deıin) ýchaskesin qaıta qurýǵa kiristik. Árıne, kópshilik úshin joba nemese M-10 degen sózder túsiniksiz bolýy múmkin, biraq qysqasha aıtqanda, bul jobasyz búkil Ońtústik-Shyǵys aýdany jaqyn bolashaqta jylýsyz qalady. Bul joba ne beretinin túsindire ketkenim jón bolar. Ońtústik-Shyǵysta belsendi túrde jańa úıler men ǵımarattar salynyp jatyr, bolashaqta jańa nysandar ortalyq jylytý júıesine qosylady jáne «Stepnoı-1», «Stepnoı-2», «Stepnoı-3», «Stepnoı-4», «Gúlder-1», «Gúlder-2», «Keń dala», «Panel-Ortalyq» shaǵynaýdandaryn jáne Ońtústik-Shyǵys turǵyn aýdanynda salynyp jatqan nysandardy JEO-3-ten úzdiksiz, sapaly jylýmen qamtamasyz etý úshin qaıta jańǵyrtý jumysyn júrgizip jatyrmyz. ıAǵnı, osy aýdanda gıdravlıkalyq parametrler jaqsarady, jylýmen jabdyqtaý sapasy kóterilip, apat 0-ge deıin azaıady», - dep atap ótti shahar basshysy.
Onyń aıtýynsha, búgingi tańda 1.1 km ýchaskede jumys bitken, maýsymnyń sońyna deıin jeliniń 1.9 km jasalady, al kelesi jyly joba tolyq aıaqtalady.
Taǵy bir joba – JEO-3-ten Prıshahtınsk jáne Suryptaýǵa barar baǵyttaǵy jylý magıstralin qaıta qurý.
Bul jerde aıta ketetin bir jaıt – atalmysh jylý magıstrali 41 jyl buryn –1982 jyly paıdalanýǵa berilgen jáne munda eshqashan kúrdeli jóndeý júrgizilmegen, tek qajetti apattyq aýystyrý bolǵan.
«Ótken jyldyń ózinde bul ýchaskeden 90-ǵa jýyq aqaý shyqty. Prıshahtınsk pen Suryptaýdaǵy búkil jumystan keıin Shahter kentinde apatsyz jylý berý qamtamasyz etiledi jáne úıler jylýǵa qosylady. Sondaı-aq, ekinshi joba - Prıshahtınsk jáne Suryptaý baǵytyndaǵy jylý magıstralin jańartý, ol eki jyldy qamtıdy - bıyl jáne kelesi jyly», - dep atap ótti Meıram Kojýhov.
