Qaraǵandyda jylytý maýsymy 30 qyrkúıekten bastalady

QARAǴANDY. QazAqparat – Qaraǵandyda 28 qyrkúıekte balabaqshalar, mektepter, aýrýhanalar men ózge de áleýmettik nysandarǵa jylý berile bastaıdy, dep habarlaıdy QazAqparat tilshisi.

Al jappaı jylý berý maýsymy 30 qyrkúıekte bastalady.

2022-2023 jylǵy jylytý maýsymynyń bastalý kúni qala ákimdiginde ótken arnaıy komıssııa otyrysynda oblystyq máslıhat sheshimin, Qaraǵandy gıdrometeorologııa ortalyǵynyń derekterin negizge ala otyryp jáne barlyq múddeli taraptyń kelisimi boıynsha belgilendi.

Qala ákimi Ermaǵanbet Bólekpaev 27 qyrkúıekte 1-JEO, 3-JEO, sondaı-aq jylý jelileri men stantsııalarda iske qosý aldyndaǵy jumystardy júrgizýdi tapsyrdy.

Tutynýshylar ortalyq jylýǵa kezeń-kezeńmen qosylady. Turǵyn úılerge jylý berý páter ıeleri kooperatıviniń (PIK), múlik ıeleriniń birlestigi (MIB) men jaı seriktestikterdiń (JS) ótinimi boıynsha júzege asyrylady. Daıyndyq aktileriniń kóshirmelerin qosa bere otyryp, ótinimderdi Prıgorodnaıa, 9/2 mekenjaıyndaǵy «Teplotranzıt Karaganda» JShS keńsesine berý qajet.

Jylytý máselesine jaýapty aýdan ákimi orynbasarlarynyń telefondary:

- Qazybek bı atyndaǵy aýdan – 8-777-077-70-06 (Madııar Jaǵabaıuly);

- Álıhan Bókeıhan atyndaǵy aýdan – 8-701-325-66-66 (Sátpek Ábdiqalyqov).

Dıspetcher qyzmetterimen baılanys:

- «Senim» biryńǵaı call-ortalyǵy – 109, @senim109.kz;

- Qazybek bı aýdanynyń ákimdigi – 41-13-53, @qazybekbi_akim_apparaty;

- Á. Bókeıhan aýdanynyń ákimdigi – 37-06-42, @a.bokeihan_akim_apparaty;

«Teplotranzıt» JShS – 56-17-79, @teplotranzitkaraganda.