Qaraǵandyda jylytý maýsymy 25 qyrkúıekten bastalady
QARAǴANDY. QazAqparat – Qaraǵandyda jańa jylý maýsymynyń bastalý kúni anyqtaldy. Jylý berý 25 qyrkúıekte bastalady, dep habarlaıdy QazAqparat tilshisi.
«Qala ákimi Ermaǵanbet Bólekpaev JEO-1, JEO-3, jylý jelileri men stantsııalarda iske qosý aldyndaǵy jumystardyń is-sharalar josparyn iske asyrýǵa kirisýdi, aınalym rejımin ornatýdy tapsyrdy», - delingen resmı habarlamada.
Birinshi bolyp áleýmettik-mádenı turmystyq nysandar: balabaqshalar, mektepter, aýrýhanalar jáne t. b. jylý alady.
Tutynýshylardy ortalyq jylýmen jabdyqtaýǵa kezeń-kezeńimen qosatyn bolady. Aldymen Maıqudyq, Suryptaý jáne Prıshahtınsk aýdandarynyń úılerine, sodan keıin Ońtústik-Shyǵys, Fedorovka, jańa qala jáne Mıhaılovkadaǵy úılerge jylý beriledi.
Dıspetcherlik qyzmetterdiń telefondary:
- «Senim» biryńǵaı sall-ortalyǵy – 109, @senim109.kz;
- Qazybek bı atyndaǵy aýdan ákimdigi – 41-13-53, @qazybekbi_akim_apparaty;
- Oktıabr aýdanynyń ákimdigi – 37-06-42, 35-58-02, @oktyabrakimat;
- «Teplotranzıt» JShS – 56-17-79, @teplotranzitkaraganda.
