Qaraǵandyda jyly sýdan shyǵatyn jaǵymsyz ıistiń mán-jaıy anyqtalýda
QARAǴANDY. QazAqparat - Ortalyq magıstraldy júıe arqyly qaraǵandylyqtardyń páterlerine keletin sýdyń túsiniń surqaılyǵy jáne sýdan shyǵatyn ıistiń sebep-saldaryn arnaıy qurylǵan komıssııa anyqtap jatyr, dep habarlaıdy QazAqparat.
Komıssııa turǵyn úı kommýnaldyq sharýashylyq bólimi, kommýnaldyq kásiporyndar jáne Qaraǵandy ákimdiginiń sheshimimen quryldy. Taraptar tutynýshylardyń páterlerine jiberilip jatqan sapasyz sýdyń sebep-saldaryn barlyǵy birigip anyqtaý qajet degen baılamǵa kelgen. Óıtkeni osy másele boıynsha sońǵy ýaqytta quzyrly organdarǵa turǵyndar tarapynan joldanatyn shaǵymdar sany arta túsken.
«Kópqabatty turǵyn úı turǵyndardyń ystyq sýdan shyǵatyn jaǵymsyz ıiske degen shaǵymdarynyń kóbeıip ketýine baılanysty kommıssııalyq tekserý júrgizý jóninde sheshim qabyldandy. Mamandar sý daıyndaý qurylǵylaryn qosa alǵanda sý berý jumysyna qatysy bar barlyq júıeni tekseredi»,-dedi qalalyq ákimdiktegiler.
Sýdyń sapasyn ákimdik qyzmetkerleri tekseredi.
