Qaraǵandyda jylý jelisin zaqymdaǵan júk kóligi qar jınaýǵa shyqqan
Esterińizge sala keteıik, búgin tańerteń Qaraǵandynyń ondaǵan úıi jylýmen jabdyqtaýdyń tómen rejımine aýystyryldy.
Sebebi jylý jelilerine júk kóligi soqtyǵysyp, qubyrdy zaqymdaǵan bolatyn.
«22 jeltoqsan saǵat 04.30-da KAMAZ avtokóliginiń 47 jastaǵy júrgizýshisi kóktaıǵaq jaǵdaıynda Gogol kóshesi boıymen ashyq bortymen júrip kele jatyp, qajetti aralyqty saqtamaı, kólik quralynyń ólshemin eskermeı, jylýmen qamtamasyz etý qubyrymen soqtyǵysqan. Apat saldarynan kólik quraly men qubyrǵa mehanıkalyq zaqym jáne materıaldyq zalal keldi. Júrgizýshige Ákimshilik zań buzý týraly kodekstiń 610-baby 1-bóligi boıynsha hattama toltyryldy jáne sheshim qabyldaý úshin materıal sotqa jiberildi», - dep habarlady Qaraǵandy oblysy PD baspasóz qyzmeti.
Belgili bolǵandaı, kólik quraly kóshelerdi qardan tazartýdy júzege asyratyn «Tazalyq ekspert» JShS-ne tıesili.
Sondaı-aq, Qaraǵandy qalasynyń ákimdigi apat saldary joıylǵanyn habarlady.
«Magıstraldy qubyrdaǵy aqaýdy jóndeý jumysy aıaqtaldy. «Teplotranzıt Qaraǵandy» JShS JEO-1-men birlesip qazirgi ýaqytta gıdravlıkalyq rejımdi qalpyna keltirýmen aınalysady. 2-2,5 saǵattan keıin temperatýralyq rejım qalpyna keltiriledi», - dep habarlady Qaraǵandy ákimdiginiń baspasóz qyzmeti.
