Qaraǵandyda júzden astam jer telimderi saýdaǵa salyndy
QARAǴANDY. QazAqparat - Qaraǵandyda 111 bos jer telimi saýdaǵa salyndy, dep habarlaıdy oblys ákimdiginiń resmı saıty.
Atap aıtqanda, Fedorov sý qoımasynyń jaǵalaýynda bılik ókilderi kásipkerlerge demalys oryndaryn jasaýdy usynyp otyr. Qazybek bı atyndaǵy aýdanda baspa ónimderin jáne halyq tutynatyn taýarlardy satatyn dúńgirshekterge arnalǵan oryndar bar. Oktıabr aýdanynda sporttyq-saýyqtyrý ortalyqtary, balabaqshalar, kópqabatty úıler, avtokempıngter jáne jol boıyndaǵy qyzmet nysandaryna arnalǵan jer telimderi saýdaǵa qoıylady. Jańa saýda úıler, kópqabatty úıler men balabaqshalar salýǵa arnalǵan ýchaskelerdi Ońtústik-Shyǵys shaǵynaýdanynda da alýǵa bolady.
Qala ákimdiginde málimdelgendeı, atalmysh bos jer telimderi qajetti qujattar ázirlengen soń saýdaǵa salynady.
Jer telimderiniń tolyq tizimi Qaraǵandy ákimdiginiń saıtynda ornalastyrylǵan.
