Qaraǵandyda júıkesi buzylǵan adamdarǵa júrgizýshi kýáligi berilgen

QARAǴANDY. QazAqparat - Qaraǵandy oblystyq Іshki ister departamentiniń tirkeý-emtıhandyq bólimin teksergen prokýratýra organdary onda júıke júıesi aýrýlary dıspanserinde esepte turǵan adamdarǵa júrgizýshi kýáliginiń berilgendigin anyqtady, dep habarlaıdy «QazAqparat» HAA tilshisi. 

Tekserý barysynda júıke júıesi aýrýlary dıspanserinen jalǵan medıtsınalyq anyqtama alyp kelgen adamdarǵa júrgizýshi kýáligin berý boıynsha úsh fakti anyqtaldy.

«Qazybek bı aýdandyq prokýratýrasynyń júrgizgen tekserýiniń qorytyndysy boıynsha, arnaıy medıtsınalyq mekemede esepte turǵan úsh azamatqa avtokólik quraldaryn júrgizýge berilgen júrgizýshi kýáligin sot tártibinde joıý úshin ishki ister organyna zańdylyqty buzǵany týraly usynys shyǵaryldy», - dep habarlady Qaraǵandy oblystyq prokýratýrasynyń baspasóz qyzmeti.

Qylmystyq isti tergeý barysy prokýratýranyń baqylaýynda.