Qaraǵandyda júrgizýshi jol jıeginde turǵan adamdy mert qyldy
ASTANA. QazAqparat - Qaraǵandy oblysynda kólik júrgizýshisi jol jıeginde turǵan er adamdy qaǵyp ketip, mert qylǵan, dep habarlaıdy «QazAqparat» HAA Shet aýdandyq sotynyń baspasóz qyzmetine silteme jasap.
Shet aýdandyq sotynda azamat A.-ǵa qatysty QR QK 345-baby 3-bóligi boıynsha (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy saldarynan abaısyzda adam ólimine alyp kelgen is-áreket) qozǵalǵan qylmystyq is qaraldy.
Іs materıaldaryna sáıkes, «Almaty-Ekaterınbýrg» tasjolynda «Lada Largus» kóliginiń júrgizýshisi jol erejesin qatań buzyp, saldarynan rýlge ıe bola almaı, jol jıeginde toqtap turǵan «Hyunday Accent»-ti jáne onyń artynda turǵan júrgizýshini qaǵyp ketken.
Oqıǵa saldarynan «Hyunday Accent» avtokóliginiń jolaýshysy alǵan jaraqatynan Shet aýdandyq aýrýhanasynda kóz jumǵan.
Sot úkimimen A. kináli dep tanylyp, oǵan shartty túrde 1 jylǵa bas bostandyǵynan aıyrý jáne 1 jylǵa kólik quraldaryn basqarý quqyǵynan aıyrý jazasy taǵaıyndaldy.
Sot úkimi zańdy kúshine engen joq.
