Qaraǵandyda júrgizýshi kóligimen birge tirideı janyp ketti

QARAǴANDY. QazAqparat - Qaraǵandyda jol apaty saldarynan jeńil kólik otqa oranyp, júrgizýshisi kóz jumdy, dep habarlaıdy QazAqparat tilshisi.

Qaıǵyly oqıǵa 28 maýsym kúni saǵat 18.00 shamasynda bolǵan.

Qaraǵandy qalasynyń Fedorov sý qoımasyna barar jolda 41 jastaǵy «Mersedes Bens» avtokóliginiń júrgizýshisi aǵashqa soǵylǵan.

Aldyn ala boljam boıynsha ol rýlge ıe bola almaı qalǵan. Sodan keıin avtokólik órtenip ketti.

«Júrgizýshi dene jaraqatynan oqıǵa orynynda qaıtys boldy. Atalǵan derek polıtsııada tirkeldi. Tıisti saraptamalar taǵaıyndaldy, qorytyndysy boıynsha naqty protsessýaldyq sheshim qabyldanady», - dep habarlady Qaraǵandy oblysynyń PD baspasóz qyzmeti.